السلام عليكم ورحمه الله وبركاته
قصيده بعنوان/ ياسعود
للشاعر الكبير / عبدالله بن نايف بن عون
وسببها / موت طيرهـ ـ فراج
نقلتها لكثرهـ اعجابي فيها وبشاعرها
هنا بالصوت
ياسعود كان انك تهدد على النوح
تعال انا ويّاك ننعا هنيّا
تعال انا وياك ناخذ عن الروح
عطني وانا بعطيك مما تهيّا
صبري وصبرك عقب فرّاج مشحوح
ماعاد فيها يا البناخي كنيّا
وان كان صبرك شح والصوت مبحوح
خل انهتانك بالخفايا خفيّا
اون واتبع ونة الصدر بفحوح
ولافرّجة من ضيقت البال شيّا
ياطير اللي لا برق الريش ذابوح
مبعد عمس راعيه صبح وعشيّا
تعرضّه يوم اظلم الليل ساموح
وعليه ماسيت الفجيعه مسيّا
جيته على جثة حباراه مذبوح
وامست همومي داهيتني دهيّا
و اصبحت انا عن دبر ة الطير مصفوح
ماعاد لي في نقل غيره شهيّا
ماراح جعله مايعود على اللوح
ولا عساه اليا رجع ما يحيّا
وليت النقيصه في الرواقي ومجروح
وفي كل كابوج ٍ سواة الحديّا
وليته غدا وارجيه مع كل طاروح
في المقبله يملابه الله يديّا
لو هو غدا ياسعود ماحسفّ الروح
بس الحسوفه ميتته هاالسويّا
وفرّاج مشروهه على كل ممدوح
ياخذ قضاه اللي براسه حميّا
/
تحيتي لكم / شــوآق
| 
|
02-13-2010, 08:54 PM
العرض الشجري