بيارق عنزة الوائلية تقتل حامد بن رفادة شيخ بلي

[سعد الطلوحي]

وقال الشاعرالكبير غانم اللميع العنزي يمدح الشيخ محمد بن فرحان الأيداء
يا راكب اللي مثلها مـا يشـادي=يكود هدس يفهم الدرب راعيـه
إلى انطلق سرحية مـع حمـادي=برقية المخبر لأمـر بـدأ فيـه
أحزب عليها يستفـك الشـدادي=ترى المطرف من غراضك تخليه
لا صار بعيونه بياض وسـوادي=أن ما أحتكم ركابها غير ترميـه
وإلى ركبناها نعـرف المبـادي=يم الرجال اللي عليها المشاريـه
لا جيتهم كسبت كسـبٍ وكـادي=كسبت كسب والدبش في مفاليـه
طمعان أنا بأهل العلوم البعـادي=واللي يناجي حرمته مـا ندانيـه
شفي محمد مثل فـرخ الهـدادي=ما صح لي شوفه وأنا العام باغيه
حر إلى خوى على الصيد صادي=طير السعد ما هو على قد راعيه
طير يصيّد من كبـار الثنـادي=ما نده الجيران واللـي حواليـه
كل يوم بيته مثل يـوم العيـادي=ذبح الغنم ما هو عن النيب مكفيه
يا ما ذبح وضحى ردوم سنـادي=تباعت الراعي إلـى مـد تتليـه
وعنيد يلـوي للعنيـد المعـادي=ياما يدل الحق وهو قبل مغديـه
شغله بربعه مثل شغل المهـادي=والجار لو يظهر خمالـه يخفيـه
ربعه حكمهم بالهـدى والقـوادي=اللي لهـم رب المقاديـر هاديـه
طلع لهم ما هو خطات الهبـادي=عسى فداه اللي يفـرق عوانيـه
ما هو مجـدع لابتـه بالهـوادي=لا عتازهم لمار ماهـم حواليـه
كلاً يبي من فوق طيبـه يـزادي=لكود الأيداء نصف طيبه يكفيـه

القصيده واضحه وضوح الشمس مدح في محمدالفرحان الايداء ولم تتكلم عن الي معركه[/poem][/quote][/quote]