من عزتي مرضى على النفس تنهان

[عاشق الذكرى]

[ALIGN=CENTER]السلام عليكم ورحمة الله وبركاتة

اشارككم بهذه القصيدة وهي اخر ما كتبت آمل ان تحظى بإعجابكم[/ALIGN]

[poet font="Simplified Arabic,4,black,bold,normal" bkcolor="transparent" bkimage="backgrounds/19.gif" border="none,4,gray" type=0 line=200% align=center use=ex length=0 char="" num="0,black" filter=" shadow(color=white,direction=135)"]
من عزتي مرضى على النفس تنهان = ولا عاش مخلوق(ن) تجاهل وجودي
العز طبعي من على ماض الازمان = مخضع ياكود لربنا في سجودي
الرجل عقل وقلب واحساس ولسان = بعض العرب عرفه عسى مايعودي
ولا جامل الغلطان لا صار غلطان = اعلمه حتى يعرف الحدودي
وقايس الرميه على عيار نيشان = ماتنقص الرميه ولا هي تزودي
وانطق بقول الحق وبليس شيطان = مانيب للحق المسمى جحودي
والمسلم اللي ماتحلا بالايمان = احسن نعده من حساب اليهودي
والناس تال ايامنا طبعها شان=ماعم كل الخلق عد معدودي
بعض العرب قلبه من الحقد مليان= يالله لاطّول حياة الحسودي
وبعض العرب خاين وللعهد خوان=مايلتزم بالعهد ناقض عهودي
وبعض العرب مستور والبعض عريان=وبعض العرب والله تغث الكبودي
وبعض العرب يركض على الشر عوان=احسب حسابه فالليال مهجودي
وبعض العرب عده من زحول فرسان=بالهرج وان جاء فعله اسبق شرودي
وبعض العرب من مكسب الطيب خسران=مافاد نفسه مال احد منه فودي
وفالناس خسران (ن) وفالناس كسبان = والطيب اللي عن حياضه يذودي
هذاك رمز الاسم والاسم عنوان=حطه على يمناك ضمن العضودي
راع الكرم والجود هو طير حوران=اللي على الجزله قديح الزنودي
والشعر سبك وحبك والمام ووزان=ومصنف(ن) للناس حسب البنودي
شعر(ن) على معنى وحجه وبرهان=وكل(ن) على ماقيل حسب الجهودي
وشعر(ن)على نسج الخيال وبناء شان=تصنيف شاعر كل حبل معقودي
ومن هيض ولا غيض والعلم وكدان=وتلقى على ماقول ناس(ن)شهودي
وبعض الشعر ماله مع الناس ميزان=لاقال شعره قالوا انه يدودي
هذا كلام اللي يقوله بوكدان=مافي عرين الفهد غير الفهودي
عاشق الذكرى

[/poet]