لاتخلـف هقـاوي ياقـاف

[الأدميرال]

ياقاف لاتخلـف هقـاوي ياقـاف
محتاج لك في ماقف اليوم محتـاج
ابيك تعطيني علـى كـل محـراف
بنهج مع اهل الطيب ياقاف منهاج
أبي ليا مريتلـي ربـع ٍ اشـراف
تشرح صدور الربع والوجه ينباج
حذرى تجي في كلمة الحق زهاف
وحذرى تميلها عن الحـق تنعـاج
قافيـك نقـاده وقافيـك عــرّاف
أفطن يصيـدك بالمحابيـل هـراج
ثم قل لصاحبنا عسى مامن خـلاف
خله يقول السالفه مابـه احـراج
حقي عليه يقول لو جايه إجحـاف
وحقه عليّ أرضيه من عين هـداج
أنا عتيبي واحتمـي كـل ميقـاف
وقفاتنـا يالقـرم تريـاق وعـلاج
عز الرفيق وعز من حاشه اصداف
ناقف معه فالعسر مانمرج امـراج
نشيل كل حموله إثقـال وخفـاف
ونرسي كما ترس البواخر بالامواج
ابديت لك سدي بمعنى ومحـراف
وقفلت صندوق الضماير بمـزلاج
ولاحد ٍ سعى يالقرم قـدّام يطـاف
الا ّ هبيل ٍ ميـت القلـب هلبـاج


الشاعر نياف العتيبي