مرثيه في الامير غالب بن متعب بن شليل بن نجم ( رحمه الله )

[الغبيـــوي]

[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يالله ياللي ترزق الذيب والطير=صبر انفوسن غاب عنها سندها
لاوالله الا صار يالربع ويصير=فرقا الرجال اللي قليلن عددها
علمن لفاني كدر البال تكدير=وامسيت روحي غارقه في كبدها
قالوا لنا غالب زبون المخاسير=وكاد روحه فارقة عن جسدها
اهب يالدنيا اثر مابها خير=ايامها الحلوه وراها نكدها
ايامنا اللي صادفتنا مدابير=والظاهر ان الخافي امر وادها
عيني تهل اعبارها يامناعير=ماعاد اعرف اهزومها من رمدها
وهموم نفسي تركد اشوي وتغير=همن مصبحها والاخر هجدها
ياونتي ونت صويب الشراشير=فخذه لهوم ونصف ساقه فقدها
في ساعتن فيها تضيع المعاذير=الطيب اللي خطته يعتمدها
عليك ياللي قايدن للطوابير=والمجد له قمه وغالب صعدها
من لابتن يروون حد البواتير=ومن لابتن بالطيب كلن حمدها
بيته تباشربه جميع الخطاطير=من غير ناسن جات محدن نشدها
مايذبخ الا من عيال المغاتير=ماجمع امواله وشح ورصدها
تلقا على ناره ادلالن مباهير=دلال هيلن بالعويدي قندها
لاجيت تلقالك معزه وتقدير=وطيب وشحم وعلوم مثله رصدها
فيه الكرم والطيب والشر والخير=وكم سجدتن لله قام وسجدها
لعل قبره ماتجيه المعاصير=وعسى الصبا نصايبه يفتردها
وجعل السحاب يهل فوقه مباكير=سحايبن يادوب توحي رعدها
وجعل الولي يكفيه لفحة زمهرير=وحوض النبي جعله يردها يردها
لكن عزانا في عشير المناعير=ناصر اليا شد القبيله عضدها
في مجلسه تلقا النشاما مزابير=وجيه الحرار اللي ينومس هددها
يفرح اليا جوه النشاما مسايير=ويذبحلهم كومن تكسر عمدها
وختامها يالله يارازق الطير=صبر انفوسن غاب عنها سندهـا
[/poem]

الشاعر // سعد بن صقر بن عيد بن نميش الغبيوي