أنا رفيقي

[ابوسـعد]

قال الشاعر مفرح الظمني المطيري
يرحمة الله

[poem=font="simplified arabic,7,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
[poem=font="simplified arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
انـا رفيقـي مـا اسمـع الـلـي حكـابـه=لـو جتـنـي مـنـه السـوالـف مضاريـع
اقــراء مفاهيـمـه وحـسـب احسـابـه=واشـوف مدخـال الـقـدم والمطالـيـع
مانـي عجـول بالـزعـل فــي غيـابـه=قـدام مـا سمـع منـه معطـي ولا بيـع
لا خـيـر فــي رفـقـه بـالـيـا حـبـابـه=ولا خير في جمع القلوب المواجيـع
رفـيـقـك الـغـالـي تـحـمــل عـتـابــه=واحـلـم علـيـه إلـيـا دفعـتـه دوافـيــع
شــيــم ثــنــاه ولا تـبــيــن عـيــابــه=عـاره يـعـورك يــا بعـيـد المرامـيـع
ون كـان دون مرافـقـك صــك بـابـه=لقـه قفـاك وخـل مشيـك مـع الـريـع
خلـه عـلـى بـعـدك يـسـرح اركـابـه=يقـضـي سـنـه ولا شـهـور وسابـيـع
ولـيـا طلـبـك الصـلـح يــا مرحبـابـه=سـهـل طـريـقـه لا يجـيـلـه مـوانـيـع
واحفـظ لسانـك عنـه واستـر جنـابـه=لا تجرحـه بـيـن الـذيـاب المجـاويـع
تـــرى الـلـســان مـلـكــع يـنـدعـابـه=مثـل الحصـان اللـي يبيلـه مصاريـع
واجعل علـى هـرج تقـولـه رقـابـه=فعقـل يصـرف طايشـات المواضيـع
والصمت في بعض المجالس مهابـه=يكفيـك شـر أهــل الفـمـي اللواسـيـع
عن كلمتا(ن) يقضب خطاها قضابـه=يركض عليها مصنع الهـرج تصنيـع
خلـه يـروح ومـنـك خـالـي جـرابـه=يرجع كما المفلـس بسـوق المطاميـع
واحـفـظ صـداقـة طيـبـيـن الـقـرابـه=ربـعـك لـيـا قـلـة علـيـك المشـاريـع
سيف نهـار الضيـق تقضـب انصابـه=ياقـاك مـن حـدب السيـوف البواتيـع
ولـيـا جـفـاك الــدار مـالـك ومـابــه=رزقك على اللي طوع الكون تطويع
ممشـاك فـي حــزم تـطـارد سـرابـه=اخيـر مـن شـوف الوجيـه المدانـيـع
خطـوا الرخـوم مصاحبيـن الخيـابـه=تـجـار هــرج وبالـلـوازم كـراسـيـع
الرجـل مـثـل الـذيـب رزقــه نهـابـه=يـاخـذ مـع الدو الـخـلاوي قـراطـيـع
والطـيـب ضـلـع زامـيـات هـضـابـه=للريـح فـي شـامـخ ركـونـه ذعـاذيـع
عسـر المراقـي يتعـب الـلـي رقـابـه=مـا ياكره كــود الـحـرار القواطـيـع
والا الـــردا جـــرف هـيــال تـرابــه=حـولـه لـزهـران المقـافـي مـرابـيـع
يرقد به الحصني ويلقـى الـذراء بـه=والبـوم بيـن غصـون قشعـه مواقيـع
رجـل علـى النامـوس بـيـض ثيـابـه=ورجـل يرقعهـا علـى المتـن ترقـيـع
ورجــل يـزايـم علـتـه مــن عـذابــه=عـيــدان نـــاره لـلـقـريـب مـوالـيــع
عـلـى الجمـاعـة كــل يــوم طـلابــه=خـمـاش وجــه ولا ذكـربـه منـافـيـع
ورجــل مــع الايــام مــا ينصخـابـه=عـون الرفيـق إليـا صفعتـه صوافيـع
غيـث علـى مـن جـاه يمطـر سحابـه=عشبـه علـى روس النوازي مفاقـيـع
ورجـل كمـا ليـث عطـيـب صـوابـه=مـن دون حقـه سنـع الخصـم تسنيـع
طيـب وعصـمـان الـشـوارب تهـابـه=يرجاء وتخشاه الرجـال الصعاصيـع
ومـن لا دراء بالنـاس محـدن درابـه=مالـه علـى سـجـل النشـامـا تواقـيـع
ومـن لا يحـوش النعـم فــول شبـابـه=في شيبته يحسب حساب المراضيـع
وختامـهـا ذكــر النـبـي والصـحـابـه=واستغفر اللي مـا يضيـع ولا يضيـع [/poem][/poem]