صدق المشاعر

[سراب نجد]

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا شاب هوجاس الشعر وشعل من الزند الفتيل = يشب ناره حاميه ولا يزيد النار نار

يختار من روس المعاني محكمه جزل الجزيل = يرقابها روس العلا ما يخلف الدرب المسار

يعلم الجهال ليه الصعب دايم مستحيل = ويدرس اللي ما درس في مدرسة صفو الكبار

سلام .. ياصدق المشاعر ما بقى فالحيل حيل = انهض على حيلك مدام النور من خلف الستار

قم علم اللي غاب في غيبوبته وقتآ طويل = قله ترى صدق المشاعر لشعر جوده شعار

تسمو على صدور الرجال اللي لهم فالشعر ميل = وتخاطب عقولن لها في مملكة فكري وقار

الشعر ادب وسلوب له جيله وبعد الجيل جيل = يداعب الحكمه ورى الفكره على نفس المسار

وليا ارتوى يروي ضمى خلن مفارقله خليل = بصدق ينبت مثل نجد اليا متلى روضه خضار

ماقلتها من شعر ولا من طرف جون عليل = خايف يموت الشعر بين الناس في وضح النهار [/poem].

ســــراب نجد