حني على نبتن من الري مقطوع

[بناخي عتيبة]

[poem=font="arial,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الى متى وانا على الوعد مزروع = واصبر اشواقي لحين التلاقي

حني على نبتن من الري مقطوع = ما عاد مرنه فروع السواقي

حبيبتي حطيت لك ورد وشموع = واذا تأخرتي يزيد احتراقي

الهجر ما هو بين الاحباب مشروع = وانا ادري انه ما يسرك فراقي

يا مالكن قلبي على الكره والطوع = امسيت في حبك وحيدن وشاقي

بالصبر مجبورن وبالحب مدفوع = منهي ومامورن برسم اشتياقي

لو يتهيا وصلك بنوح ودموع = هليت ما في محجر العين باقي

ترى العتب بين المحبين مرفوع = واللوم فيك من الخوي ما يطاقي

لاني مصدق به ولا هو بمسموع = لوه صديقن ما يعرف النفاقي

رمح المحبة ما نفع دونه دروع = يذبح ولا لمعذب الروح واقي

يطري لي المجمول والثوب مدلوع = غير الدلال اللي على الزين لاقي

احيا خفيف النفس ما فيه مطموع = ما يخلف الهقوة على كل هاقي[/poem]



بناخي عتيبة