قامت تبرك للحمول المفاريد

[رائد العالي]

[poem=font="simplified arabic,6,black,normal,normal" bkcolor="transparent" bkimage="" border="none,8,gray" type=0 line=1 align=center use=ex num="0,black""]
من كثر ماينقص من الهرج ويزيد = وتدخلات ومهزلة وانتحالا

شوش ردار المعر فه والمناقيد = واستبسل اللي فالمهد لايزالا

وقامت تبرك للحمول المفاريد = وشيال عسرات الحمول استقالا

ودقت علومٍ دون سابق مواعيد = قامت على وجه البسيطه توالا

يركض بها الهراج ويقطع القيد = ومن وين مايرفع له الصوت مالا

تضيق منه صدور وتضيق به بيد = وضاق الفضاء الواسع وصم الجبالا

وماعاد يعرف للحقيقه مواريد = من واقع الفوضى وكثر الجدالا

اصبح ضعيف العرف في نفسه يشيد = العارف الفاهم كريم السبالا

وقت الرخاء ماينتقارن ببوزيد = وياقوم لن جاء للزناتي مجالا

لكن علاجه طرفه عنك وبعيد = وجميع ماقاله تحطه شمالا

والا على قول الرجال الصناديد = لاتجرحون شعور ذيب العيالا


في ليلةٍ عندة مثل ليلة العيد = متجولٍ مابين قيلٍ وقالا

وادع الله انه يشفي ابن الاجاويد = يمكن يجيب دعاك رب الجلالا

وان طال ليلة يمدح الذات ويعيد = اكيد من سقمه شفاه استحالا


خله يواصل رحلته دون تعقيد = ناقص ويبحث عن وجود الكمالا

لاحاسبٍ شرهه ولاكاسبٍ فيد = ولادافعٍ باالطيب ربع الريالا

مايشبع الجايع عراش العماريد = ولايروي الضامي قصير احبالا[/poem]


للشاعر محمد بن مذكر المغيبي