-:::مالي ورى طرد المقفي شفاقة:::-

[زيزوم برقا]

على عجالة وبدون مقدمات،،،،،




أتمنى أن ترقى لذائقتكم




[poem=font="simplified arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مالي ورى طرد المقفي شفاقة=ولاني مخيل بروق مسيوقةٍ شرق


أحفظ حقوق الله وأعز الرفاقة=وأطب سوق الناس وأميز الفرق


والدين راس المال عروة وثاقه=وطريق جنات العلا يقطعه طرق


إما تثبت من شروط السياقة=وألا غدى دربه وعرق ضرب عرق


يحسب مع أهل الخير فاز بسباقه=وألا جهنم نارها تحرقه حرق


والمرجلة ما تنكسب بالحماقة=ولاهي ملاعى مثل ما تلعي الورق


تصعب على راعي العلوم الدقاقة=لاهاش بندق زيد والرمح له زرق


المرجلة حيد صعيب نطاقه=وإليا عزمت اتكل على خالقك وارق


تشيل مع زود الحمول الوساقة =مانالها من يحسب المرجلة سرق


والطيّبة مثل الغشين وحقاقه=تغسل قلوب طوّلت بالحسد زرق


واللازمة ما غلّقت بالشلاقة=وقف لها واحذر تخرق العهد خرق


جمعتها لك من سلوك اللباقة=ولاني كما صيفيةٍ برقها برق


ماني وأنا محسن بقطاع ساقة=أشوم عن سكة هل الغدر والدرق[/poem]


وسلامتكم


مودتي

زيزوم برقا