البويات ومشكلتنا معهم .....

[قلب الذهب]

مررررحبــااااا ....

حابه اوضح بدايةً انو انا انسانه لا اجيد فن المقدمه لذلك حابه اتكلم طوالي بموضوعي

>> قبل فتره كذا موب بعيده نشر الاعلامي ياسر العمرو مقاله عن البويات وتكلم فيها
انو البويات خطر على المجتمع النسائي وانو يجب على الجهات الحكوميه والجهات
الرسميه انو يوجدون عقاب لكل وحده مسويه فيها بويه اقلها انهم يمنعونها من دخول الاماكن العامه

.... تقريبا هذا ماطالب به ياسر العمرو واخونا ف الله يقاله كذا اوجد مشكله
وثمن طرحها وثمن اوجد لها حل
انا مانيب احسن من ياسر ولا جايه اصحح له مقاله كتبها بس كذا وانا اطالع بمقالته
تذكرت شغلتين
الاولى انو قبل فتره كنت اطالع برنامج للدكتور طارق الحبيب واذكر انو اتصلت عليه
وحده بوويه ودها تكون بنت طبيعيه
طبعا دكتور طارق اذكر انو سألها سؤال مهم
سألها >> انتي تشوفين نفسك بويه بالمظهر والا المخبر؟؟؟

وبعد ماخلص حواره معها علق الدكتور تعليق مرره اعجبني
قال انو بعض البويات تسوي كذا عشان هي ترتاح نفسيا بهذا المظهر
وممكن لو غيرت مظهرها نفسيتها راح تتعب
وفي البعض من البويات تسوي كذا لاشياء جد شاذه وف ذا الحاله مايجوز للبويه الاختلاء
مع اي بنت وقصده هينا لايجوز نفسيا وشرعاً

اللي ف راسي الحين بسألكم
احنا ليش دايم مجتمع تحت الطاوله ؟؟؟
يعني الى متى ونظرتنا لحل المشكلات تكون بالقمع زي مااقترح ياسر العمرو بمقاله
انا ماني ب مع ظاهره البويات بس بعد ليش نسلط الضوء بس عليهم ونهمل الشاذات
غيرهم واللي يسون افظع من البويات
البويات اقلها حطو زي مايقولون "على راسهم ريشه وعرفوهم البنات" وبالتالي البنت اللي عقلها براسها بتعرف مين تصادق او مين تماشي
اعتقد انو نظرتنا للامور لازم تتغير ولازم قبل مانطرح اي موضوع اقلها يكون ادراكنا تجاهه
اعمق واوسع من السطحيه واعطاء الاحكام على عجل ....