يزف الهم لي

[سلطان بن محسن]

[poem=font="simplified arabic,6,darkred,bold,normal" bkcolor="transparent" bkimage="" border="double,4,gray" type=2 line=1 align=center use=ex num="0,black""]
يزف الهم لي ضايق جنابه=يعبر لي عن أيام إغترابه
يقول إني معايد كل دمعه=وجافيت الفرح عقب الكآبه
حبيبي غاب عن عيني وحالي=كما غصنن فقد غيث السحابه
عقب وصله وشوفه وإعتناقه=تغلى بالوصل مدري سرى به
وأنا مجنون في حبه وعاقل=وأناجي فالهوى مغرم صبابه
وأقول إصبر عسى فالصبر خيره=لعل الجرح يبرى من صوابه
أقوله وأدري إنه ماسمعني=ولا له لو تصبر من إجابه
وأنا ماألوم من مثله ومثلي=لأني قد جرى بي ماجرى به
محبة من يخون الحب شينه=ولو زينه سحرني مع ثيابه
مدامه فالهوى ماهوب وافي=ولا عبر خفوقي مع عتابه
شكيت ولا شكيت إلا عشآنه=رحلت ولا تبعت إلا ذهابه
فكم للحي من عمرن مديدن=عشآن يعيش في مقبل إيابه
يروح العمر وأحلامي تلاشى=ولا ردد على سمعي جوابه[/poem]