محمد أبن ضاحي زعيم القوم فـ الماقف شديد

[متعب عبدالكريم]

السلام عليكم ورحمة الله وبركاته


هذه القصيده أطرحها بين ايدكم


وهي مهداه الى .. الرائد ../ محمد بن ضاحي المغيري العتيبي


ومهما قلتا فلن نوفيه حقه ابو راكان .. عسى عمره وعمرنا طويل


والمعذره على القصور


مع جزيل الشكر

قال العقيلي من جزيل الشعروبيوت القصيـد
مال المواقف ياهل المعروف غيـر رجالهـا

سلام يا تاج الوفاء سـلام يالـراي السديـد
سلام ياللـي تفتخـر بـه رتبـة مشتالهـا

راسه من الطنخه يلبي حاجتك مهمـا تريـد
الكايـده ماتصعبـه أليـا بـغـى يرقالـهـا

أصرف تحيه يوم أشوفه من قريب ومن بعيد
رتبة شرف تستاهله من طيب أصلـه نالهـا

رايد وهو رايد مراجل ياعسى عمـره مديـد
مغيري وأصـل المغيـره عدهـم وحبالهـا

محمد أبن ضاحي زعيم القوم فـالماقف شديد
من راس قـوم فـالملاقـا ينعـرف خيالهـا

عيال روق أهل الكرم والطيب والمجد التليـد
تشهد لهم كـل العـرب بسهولهـا وجبالهـا

وحنا ترانا من رجال هرجهـم دايـم وكيـد
رجالهـم دايـم يحامـي كلمتـه لا قالـهـا

واليوم نحمد ربنا باقين فـي عيـش رغيـد
يالله نعوذك مـن تحـور نعمتـك وزوالهـا

في ظل حكام الجزيره حكمهـم دايـم رشيـد
تمشي بشرع الله على مر الزمـن وليالهـا

أخوكم / متعب بن عبد الكريم العقيلي المطيري