نبذه بسيطه عن الشاعر جابر بن هايف العتيبي

[غزال الرافدين]

السلام عليكم ورحمة الله وبركاته

،،،،


هذا الموضوع تعريف بشخصيه معروفه وغنيه عن التعريف


الشاعر جابر بن هايف


طبعا الكل يعرف جابر الشاعر ‏

كلنا نبحث عن قصائده ،،،، ونفتش عن جابر الشاعر

صار أسم معروف ومألوف لنا،،،

نبحث عن جابر في كل مكان ،،، في زمن صار الشاعر يبحث عن جمهور


جابر لايسعى خلف شهره ولا يريد جمهور لايعي الكلمه التي يقولها الشاعر،،،

جابر يبحث عن جمهور يطربه الكلمه ويتذوق الشعر ويبحث عن شاعر يرقى لذوقه في كل مكان

جابر أعتزل الأعلام وترك الجمهور الحكم

الأعلام لمع شعراء لاتكتب الشعر بأحساس بل من مرتزقة الشعر،،،

لم يكن الأعلام يدخل في مسيرة شاعرنا،،، بل الجمهور من ركض خلف جابرنا عندما ركض الشعار خلف الأعلام،،،




جابرنا أسم أصبح له أصدى كثيره فالكل يبحث عن كلمه قاله جابرنا

لو نتكلم عن جابرنا لايكفي لمدحه مدادنا ولو أفنينا جميع أقلامنا في سبيل ذالك

الأسم ‏/جابر بن هايف الغبيوي الروقي العتيبي

العمر/36

البلد/‏ الكويت

صور لجابر بن هايف

..


..




تعديل لصورة جابر بن هايف
..

..



لقى مع جابر بن هايف في منتدى الهيلا ‏/حصري لمنتدى الهيلا

http://www.otaibah.net/m/showthread.php?t=44871



بعض قصائد جابر
اذكـــــروني

أذكروني يارفقتي بنفس هاليوم من كل عام
أذكروا من راحت وغابت عن الجفوني


أقفت ونصيب والقفى مع سود الأيام
والله العالم متى بكم أكحل عيوني

راخت السعاده خداع وسراب وأوهام
والعذر أطلبه من خلاني يرحموني
البعد موتن أصعب من حكم الأعدام
وش جاب طـاري البعد لاتخبروني
ضاع الصبر مني بعدكم ياسيد الأنام
تعـــبان وكلي ذابـــل وضـــاع لـــوني
اصـــرخ بصمت وداخلي تشهق آلام
آه آه تكـــفون من هالعـــذاب انقـــذوني
هـــم وينهـــم اللي انا لهـــم حـــزام
اللي إذا جـــوني بضيقـــه لقـــوني
وصـــلت راسي لجـــلهم حبل الأعـــدام
والحـــين امـــوت وكـــنهم مايعـــرفوني
يلـــعن ابوهـــم كلهم شـــلة إعـــلام
ينســـوني كـــيف وليه هـــم يبعـــدوني
اقـــزام ولو ينســـوني يبقون اقـــزام
محـــد رفعهـــم غيري لين وصـــلوني
مأعتب على هذا الزمـــن كله اوهـــام
المصلحـــه هي الأهـــم واســـألوني
خالق هالخـــلق وله فيهـــم احكـــام
وكلـــن على طـــرقه يجـــر اللحـــوني
وانا ترا مـــاني متحسف ولا انـــلام
حقـــي خـــذتيه فالحـــياه بجـــنوني
لي دفـــتر موجـــود به دم الأقـــلام
ولافيـــه حـــي شافـــه الا عيـــوني
ميتين صفحـــه كلها اوجـــاع وسهـــام
سهـــم نزفـــته وسهـــم باللي طـــعنوني
اخـــذوه بعد مـــوتي هو مسك وختـــام
وإن كـــان فيه اشيأء غـــريبه اعـــذروني
تلقـــونه عند امي وسط درجها الخـــام
مع غـــترتي وثيـــابي اللي كســـوني
اخـــذوه منـــهـا برضـــاها ولاتنضـــام
هـــذي امـــانه عـــندها وافــهموني
اقـــروه وشوفـــو سبـــايب الالهـــام
الفقـــر وجـــرحي والضياع اكـــتبوني
عـــنوان هالدفـــتر قـــصايد بالإجـــرام
عـــطوه جيلي كـــان جيلي نســـوني
وشـــوفو لكم واحد مصلي وصوام
يبي الاجر فيني ويسدد ديوني
والله لا يسامح هاليوم وهالعام
تجمعو عليه ثم اذبحوني


ماعلمـــوگ انگ صـــغير ومطـــفوق
للـــبنت تاوى و لرياجـــيل مـــلقا
حنا عـــتيبه الہـــيلا برقـا مع روق
واللي يرحـــب بالسلاطـــين يبـــقا
ومــاذلنا من خـــلقة الأرض مخلـــوق
اهـــل الـــمكارم ربعي روق وبرقـــا
نـنـده بأسامـــينا وتيبـــس لہا حـــلوق
وگـــل الأيادي بقبضة ايادينا عـــرقا
گـــم شارب صار من فعلنا محلـــوق
جل الوجـــيه اللي بہا اشناب تســـقا
الغيمـــه اللي وسطـہا ربعي بـــروق
واللي تحـــتہا بوبل الأمـــجاد غـــرقا
نجـــد العذيه فوقــہـا شمسنا شـــروق
وصـــارت سماها بالسلاطين زرقـــا
ربعـــي عـــتيبه وبارد الوجه مصفـــوق
والســـبت من حطه ترى الأحد يلـــقا
وين انت يابـــو صوت مبحوح ومخـــنوق
ياللي عـــلى گـــثر السوالف تســـلقا
يوم البضاعـــه غاليه داخـــل الســـوق
حنا اشـــترينا اللي أخـــذتوه ســـرقا
رمـــح القہـــر في صدر الايام مدقـــوق
في غـــرب راسـه وآخر الرمح شـــرقا
ايه افتخـــر ولگل مطـــرود ملحـــوق
بالفعـــل ماهوب زود حكي وقـــرقا
حنا بشـــر بس الولي حـــطنا قـــوق
الله خـــلقنا فـــوق وش عاد نـــرقا
الله خـــلقنا فـــتنه لگـــل غـــرنوق
ومن العـــذارا مـــيته گـــم طـــرقا
منطـــوقنا جـــزل ومع جزلنا ذوق
يطـــرب لنا فـــوق الغصن طير ورقا
قـــبيلتي مـــالي مع الناس معــشوق
وانتي غـــرامي دون لـــقيا وفـــرقا
بين الضـلوع العـــوج موطـــنگ معلـــوق
يأطـہــر من الطـــاهر واصفى وانقـــا
لو غـــنو الشعـــار مـــليون طاروق
محـــدن يجيب اللي اجيبه على القـــا
الشعـــر جســـم وحنا في قلبه عـــروق
گـــل حـــرف روقي وگل طرق برقا



عجزت انام ونبرة الحزن بأذني
والله واللي خالقك منك تعبان
من زعلك قولي دخيلك لاني
اجلس من البارح على فم بركان
يابنت يبشر بالسعد من زبني
ولو جارحك ابويه ماعاد له شان
مادامك زبنتيني عن الضيق دني
في شاربي انتي ولو كان ماكان
هذا وعد مني ورديه عني
الله يهنيك وانا على الارض ينهان
تحيزمي في جابر الشعر وغني
وانا لعينك والله لاذبح لك انسان
ابي عينه بعيني وسنه بسني
ابيه كله لأحمر الدم ضميان
صبرك شوي واجيب دمه وتحني
حني شعر وكفك بدم خوان
ولايزعلك مخلوق عيشي وتهني
انا الدوا لاهل التعاطي والإدمان
انا اللي فقد عقله يبا يفتكرني
لامن حضراسمي صحى كل سكران
والله واللي خالق الشر مني
واللي خلق جابرك في روح شيطان
لطبخ بقدر الموت انسن وجني
انا عذاب اللي جرح بنت عتبان
ماجابته امه ولاهوب مضني
من يجرحك في حرف لو ماكان غلطان
مادام جابر حي لك اطمأني
وان مات جابر صورته تهد شجعان



تحميل بعض قصائده

عتبان

http://www.4shared.com/file/19864890...tban_gabr.html

يالجنة المليون

http://www.4shared.com/file/19878104...awn_gabar.html

عربيد==< هاذي روعه

http://www.4shared.com/file/19882240...7/Arabaia.html

سارا

http://www.4shared.com/file/198850736/c8c0c71/Sara.html

السؤال

http://www.4shared.com/file/19884573...5f3/asoal.html

قلت أدب

http://www.4shared.com/file/19865917...b2/Galat_.html

جابر
http://www.4shared.com/file/19885205...8176/Jabr.html

كلاب الحفله

http://www.4shared.com/file/19867773...lab_gabar.html

نصابه

http://www.4shared.com/file/19871048...sabh_gabr.html

روق وبرقا
http://www.4shared.com/file/19872480...aqa_gabar.html

وقاحه
http://www.4shared.com/file/19873099...gah_gabar.html

يابويه
http://www.4shared.com/file/19874346...oyh_gabar.html

يمه
http://www.4shared.com/file/19880078...Yamh_gabr.html

صباح الخير

http://www.4shared.com/file/19872786.../S_online.html

تحياتي تراي مت تعب والهدف من الموضوع تعريف بجابر وليس حصر جابر

أهم شي لاتنسون التقييم وأعذروني عن الأخطاء