قصيـــــــده روعـــــــه

[غزال الرافدين]

قصـــــــــــــــــده رائعه لفـــــــــــــــــارس عتيبه

لشـــــــــــــــــاعر

تركـــــــــــــــــي بن حميـــــــــــــــــد


تلعب طرب وأنا بنومي هاواجيس

ماسامرك بالليل كثر الهمومي

أسهر إليا نامت عيون الهداريس

بالليل أساهر ساهرات النجومي

أونس بقلبي مثل صلو المحاميس

الله يلوم اللي لحالي يالومي

أشوف عدلات الليالي معابيس

ولا أحد/ن عظامه من الدنيا سلومي

تضحك وتخفي لك خافي الهناديس

تفطر لنا يوم/ن ويوم/ن تصومي

أعمل وتلقى وأفهم العلم بالقيس

دنياك لو زانت تراها نقومي

قالوا جهلت وقلت جهلا/ن بلا قيس

الجاهل اللي مايعرف اليمومي

من لا يدوس الراي من قبل ماديس

عليه داسوا العيال القرومي

ومن لا يقلط شذرة السيف والكيس

تبدي عليه من الليالي ثلومي

ومن لا خذا الدنيا بميز/ن وتقيس

مثل اللذي يسبح ببحر/ن يعومي

البال مايصلح على غير تأسيس

ومن لا تعلم ماتسر العلومي

ولا توافق مشور السوء وبليس

تبار من هو عز ربي يدومي

قل القلم من كتبنا بالقراطيس

وركابنا من كثر الأدلاج تومي

ولاخير في كثر الحكي والتماليس

وقولا/ن بلا فعل يجيبه وهومي

والعز فوق معسكرات السواديس

أليا قصدت اللي بالأشيا رحومي

قبن تنازى بالنشامى كراديس

والطير في روجاتهنا يحومي

بالليل أصالي حاميات المحاميس

والصبح أصالي كل قبن قحومي

أربع سنين ودمع عيني ياماريس

والعين تسهر كن فيها هزومي

أليا ركبت معالجات المضاريس

يبرد على كبدي لهيب السمومي

صوابنا بالحيل عمقا أليا قيس

وطريحنا في مثبره مايقومي

أن جنبنا مثل النعام الأماريس

لاخف عجلا/ن مع رقاق الحزومي

أستلحق اللي يطلبون النواميس

اللي من الأقصين وأدنا اللحومي

وان جن بالميدان مثل الدواويس

وتعاقبن من فوقهن السهومي

عرجن بأهلهن كنهن القرانيس

على الطريح مصوبراتن كظومي

ولومي على اللي ينقلون الدبابيس

وأهل الفرنج وكل رامن لحومي

وشلفن تركب بالعروق المناسيس

قضن المهار وكل قبن قحومي

وأليا أختلط عج الملابيس وبليس

والمسعد اللي حظ ربعه يقومي

والشيخ من يعطي الفقراء المفاليس

عساه بالدنيا بعز/ن يدومي

حر/ن أليا دبت عليه النواميس

يشهر وعن درب المذله يشومي



للتحـــــــميل بصوت مهنـــــــا العتيبي


http://www.4shared.com/file/19849539..._bn_hamid.html