في ضف روق

[دييمه]

السلام عليكم ورحمة الله وبركاتة


[poem=font="simplified arabic,6,darkblue,bold,normal" bkcolor="chocolate" bkimage="" border="none,6,darkblue" type=2 line=1 align=center use=ex num="0,black""]



هلت دموع العين من لايح البرق = برقه على العارض يزيد اشتياقي

يبرق على مدهال ربعن بهم فرق =مثل الحرار الي بعال المراقي

يلوح برقه وحترق ضامري حرق = والقلب مني بين الاضلاع تاقي

هاض الضمير وجازلي بدعت الطرق =بدعت جزل القاف بسلوب راقي

بدعت قافي ماتعودت للسرق =بين القلم والقاف فيه اتفاقي

اسباب بدع القاف مزنن سرى شرق = على وطن منهو على العهد باقي


عساه يسقي نايف الضلع والعرق =ويسقي ديار متيهين النياقي

يسقي لنا واد الرشا لين يغرق = سيله على الشعبان فيه اصطفاقي

تزهر به الريضان والعشب مشرق = فيه النفل نبته بالاوصاف فاقي

ريح الخزامى كل ماذعذع الشرق =يشفي غليل الي طواه الفراقي

يرتع بها ذودن مغاتير مع زرق = في ضف روق مكرمين الطراقي [/poem]