يا حمامه تغرد فوق خضر الجريـد
....هيضتني وشاني مفخـت شانهـا
جعلها الله لراعي شوزنـي مجيـد
....يكسر النايفه من ريش جنحانهـا
الحمامه لها بالناس كيـد شديـد
....كل حي شكى مـن قـو شيطانهـا
ذكرتني هوى اللي مثل عنق الفريد
....قبـل تدهكنـي الأيـام بأثفانهـا
لا سقى الله على قلبي نهار الشديد
....يوم فرقا العيون لشـوف حيانهـا
كل ما قلت طاب الجرح عود جديد
....يـوم فارقـت منزلهـا وبلدانهـا
الهوى طالبه لا مات كنـه شهيـد
....والمحبه كثير الناس مـا صانهـا
منوتي والتمني خابره مـا يفيـد
....من قضب سلعته من عقب جحدانها
لذة العمر تنقص والليالـي تزيـد
....سنـة الله بأهاليهـا وسلطانـهـا
كل من جت له الدنيا على ما يريد
....بدلـت لـه طرابتهـا بحقرانهـا
الشاعر العلم / سليمان بن شريم
| 
|
01-14-2010, 01:59 AM
العرض الشجري