يأهل القصيد

[سلطان بن محسن]

[poem=font="simplified arabic,6,black,bold,normal" bkcolor="transparent" bkimage="" border="double,4,gray" type=2 line=1 align=center use=ex num="0,black""]

ياأهل الشعر صوتي مكبر فمي=وسوالفي دفع البلاء سوقيه
وشخصيتي أقوى من المنطمي=لا قمت أحرك للحضور يديه
وقصايدي فيها مداين همي=تشكلت طوبه على ربيه
من خط لي شيكه وحرر غمي=تسابقت له بالشكر قافيه
وقبل أستلم شيكه وأنا منسمي=متعقربن لي والقصيده حيه
خلوني أطنخ ماحدن مهتمي=ولحدن يدقق لو هجيت الهيه
مادامني حاضر وفاير دمي=وجنبي مذيعه كلها حنيه
الشعر لا صار بحضور الأمي=أفضل من إحضور العلام شويه
يقوله اللي مايخص يعمي=مشكلته اللي قالها منسيه
وأقولها وأنا كلامي تمي=الشعر مايبنى على الشخصيه
الشعر في حاله عليها الكمي=والكيف لاهاذي ولا هاذيه
الله يرحم شاعرن ماضمي=ولا قد كسر فتحه وسكن ذيه
يابندر إبن سرور منتب عمي=لكنك أقرب للقصيد وليه
ماعادني يأهل القصيد مسمي=لين أكتب إلعين الشعر جنيه[/poem]