يا شوق عيت ضروف الوقت تجمعنا

[عواض بن سالم]

اسعد الله جمع اوقاتكم بالخير واليمن والمسرات
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]

ياشوق عيت ضروف الوقت تجمعنا = الوقت يمشي وحنا ما تلاقينا
سافرت يا شوق ما حتى توادعنا = وضروف الايام حالت دون امانينا
ما ينفع الدمع لو سالت مدامعنا = ولا ينفع الحزن لو تكثر مراثينا
مال الزمن فوقنا واخلف روابعنا = وتكللت بالفشل كامل مساعينا
الحزن بين علينا لو تصنعنا = سعادة مالها بقلوبنا مينا
ما ملت انيابنا من عض اصابعنا = لو مل جسر الشقا من مشي رجلينا
وجنوبنا ما تهنت في مضاجعنا = والحاضر المر كدر حلو ماضينا
ولو قسوة الوقت ترهقنا وتوجعنا = نمشي على العز ما نخلف مبادينا
على الشرف والمحبه مالها معنا = بلا شرف والشموخ اسمى معانينا
وحب الشرف في سما العشاق يرفعنا = حب يخلد حكايتنا واسامينا[/poem]



وسلامتكم