قم ياولد زهب لنا جيب جقـس آر

[فواز الشيباني]

[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=1 line=0 align=center use=ex num="0,black"]
قم ياولد زهب لنا جيـب جقـس آر
=دام الوسـم أقبـل علينـا بنـوّه
وزهب معاميلي على شبـت النـار
=ومن السمر زوّد لجل طيب ضوّه
يامحـلا مجّلاسنـا جنـب مجمـار
=وريح النفل غطى على كل جوّه
وحليـب خلفـة طيبـة بينـنـا دار
=بكريةٍ توّه علـى العشـب تـوّه
وفنجال صينـي ناقـعٍ بـن وبهـار
=بنٍ على المحمـاس لا ماتشـوّه
واليا طرى الشاهي له القرم بيطـار
=قم ياسعد سوّه على الكيف سـوّه
وسط النفود اللي بها خوش تذكـار
=طعسٍ حمر توّه من الوبـل تـوّه
فيه الثرى يلحـق ثراهـا بلاشبـار
=مسقيه ربي مـن تباشيـر نـوّه
ودارت سوالف كلها طيب وأخبـار
=فيها الميانـة سايـده والاخـوة
وهلت قرايحنا على ذكـر الاشعـار
=حتى العليمي بالشعر قـد تفـوّه
واللغز جاء دوره على عصر الافكار
=نرمي على عينه ولو قـد تمـوّه
واليـا رقدنـا مانسينـا بالاسحـار
=نوتر وهاذي سنة أهـل المـروّة [/poem]

الشاعر لايحضرني اسمه