صـــ وصدى ـــــوتـــ ....

[فهد بن عايض]

السلام عليكم ورحمة الله وبركاته
يسعد جميع اوقاتكم بكل خير
هذي قصيده موجهه للشاعر عثمان بن تركي بن مصوي
ورده عليها " مداعبه "





[poem=font="simplified arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أرسلت لي بيتين راحـن ولا جـن = وأنـا معنّيهـا لأعـز الجمـاعـة
واليوم الي شهرين مابه خبر عـن = علـمٍ جديـدٍ شاقنـي لاستماعـه
مدري تجاهل صاحبي ودخله ظـن = ولا نوى درب الهجـر والقطاعـة
والا تعاملني مثل صاغـر السـن = ولا على ردي ما جاك استطاعـة
ولا ظروف الوقت يمّـك تحـادن = لكنّ ما تفضي ولـو ربـع ساعـة
يا هيه بالجوال لحظـة علـي رن = يمكن مع الرنّـات تلقـى شفاعـة
ولا انسنا مرة ترى يمكـن احسـن = مـادام ماحصّلـت فينـا طماعـة
لكنّ يـا عثمـان لسلومنـا صِـن = يشري الجفا والوصل برخيص باعه
استغفر الله يمكن ان داخلـه جـن = خلاه من شاني يجي فيـه راعـه
وصلاة ربي عد مـا راعـدٍ حـن = علـى رسـولٍ كلّـنـا باتّبـاعـه
[/poem]

وسلامتكم

وهذا الرد




[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا مرسل المكتوب هـونٍ عليهـن = ميرادهـا هـدّاج كنـز القناعـة
يصرف ذهب وجنيه وريال مع ين = يسبح بحـورٍ مالهـا حـد قاعـة
ينحت صخر ويطيّع الصعب ويعن = جرد الأصايل والكحيلـة قلاعـة
مرقى الجبال الشاهقة ما شكاهـن = ما يشتكي عسر الجبل وارتفاعـه
يسري الليالي ما يحسّب خطرهن = كم ليل يسري به تعاوى سباعـه
يمشي دروبٍ تتعب اللي مشاهـن = معروف دايم نجدته مـن ذراعـه
لكنّ يا راعي المشاريـه ممكـن = تسمع كلام اللي يهمّـك سماعـه
المعذرة يا راعي الهيـل والبـن = حقّك علينا يـا وكيـل البضاعـة
انته من رجالٍ لهـم سلـمٍ وسـن = أهل شداد وبيت عـز وشجاعـة
أهل الكرم والشعر طاروقٍ وفـن = وأهل العلـوم الوافيـة والمناعـة
الأوّلة يوم الهجـن جـن يبـرن = قدّام نور الصبح يبـدي شعاعـه
غفلٍ بلا عنـوان محـدٍ وسمهـن = مافوقها غيـر الزهـاب ومتاعـه
خليتها مدري مـن اللـي بعثهـن = وراحت غفل بين الشعيب وتلاعه
والله ماقصـدي تجاهلـك لـكـن = المصدر المجهول سـر الإشاعـة
والثانية يوم انّهـا جـات تعلـن = باسمك ورقمك صار فيّ اندفاعـه
رديتها قبـل السوالـف يـدورن = صغت الجواهر صوغ فن وبراعة
وأرسلتهـا يمّـك نجـومٍ تلالـن = وعقود ماس أرسلتها لك وداعـة
[/poem]
وسلامتكم