طرد السراب

[سلطان بن محسن]

[poem=font="simplified arabic,5,black,bold,normal" bkcolor="transparent" bkimage="backgrounds/1.gif" border="double,4,gray" type=2 line=1 align=center use=ex num="0,black""]
أنا ماسرني طرد السراب وغيبة الأحباب=ولكن الزمن هذا زمان إن رحت فإلحقني
زمان الجرح ودموع الرجال وشرهة الأصحاب=زمان اليآس في كون الغياب اللي مطوقني
وأنا مانيب رجلن يتخذ دمع العيون أسباب=ولكن الغياب اللي بكاني قبل يغرقني
بكى صدق الشعور وشعري الصادق وحلمن غاب=بكى خلن عقب كثر الوفاء والشوق فارقني
يموت الحلم ماكنه تجدد عقب طول إغياب=ولا لي غير صبرن فالغياب وشوق يسبقني
حزنت إلا فرح قلب العذول وصار هرجه ناب=طعن كل الطموح اللي بقى لي قبل يحرقني
سهرت إلا غفت عين السهير وخافقه منصاب=نزف جرح الخفوق ولا بقى طيفن يعانقني
ياعمري مابقى صبرن يعيش إلحظة الترحاب=بروح الحين قبل إن الغياب المر يشنقني
تعبت أذكر مواعيد الوصال وخاطري ماطاب=تعبت أظوي قناديل القصيد اللي تشوقني
هنا مديت له كف الوصال وكلمتين إعتاب=وهنا صد وخلق كل الظنون اللي تضايقني[/poem]