,’,’,’,’ جديـــدي ... والله مانسى ضحكته لي ولاانساه,’,’,’,’,’

[مشاعر حالمه]

السلام عليكم ورحمة الله وبركاته ...

مساءكم سعاااادة يالطيبين والطيبات ...

وحشتونا ان كانكم تبغون الصدق

ان شاء الله بتعذروني على الغياب اذا دريتوا بالاسباب ^__^

ماطوّل عليكم وكل اللي ابي اقوله هالقصيدة رثاء في خالي الله يرحمه

على لسان امي ...لكن الحمد لله ربي ياخذ ويعطي أخذ خالي ورزقني ربي بولد مثل القمر فديته

وسمّيته على خالي <== تعلمكم انها صارت أم هي ووجهها

وان شاء الله القصايد الجايه احلى من الحزن وايامه ..<== لاتقولون ماكثر هذرتها

استلموا الأبيات

[poem=font="Tahoma,5,purple,normal,italic" bkcolor="purple" bkimage="backgrounds/13.gif" border="groove,4,purple" type=1 line=0 align=center use=ex num="0,black""]
راح الحبيب اللي تمنّيت لقياه = الغالي اللي غاب واصبح فقيده

الدمع يجرح وجنتي بعد فرقاه= كل ماتذكرته دمعي أزيده

كم ليلةٍ اسهر وانا اعيد ذكراه = اذكر مزوحه واذكر اشيا عديده

ياخوي قلبي داخله شي ماقواه = حزنٍ يفتّت حتى اقوى حديده

والله مانسى ضحكته لي ولاانساه= مانسى كلامه قبل مايعيد عيده

يا(......)انت الغالي اللي فقدناه = يالله عسى موتتك موته شهيده

هذا شعوري وابغي الكل يقراه= ويعرف غلا راعي الفعول الحميده

الله يجعل جنة الخلد مثواه = ويصبّر قليبي بفرقا الفقيده [/poem]

وسلامه تسلّمكم :)

أي ملاحظه أي شي اتقبّلها وبكل صدر رحب <== وش رآيكم في الاسلوب رهيب صح هع

تحيتي للجميــــــع

مشاعر حالمه ..عزوة ابوها