فنجال العنود

[ثامر الشيباني]

فنجال العنوود

شبّ ضوك يالخوي في كل عود
القوافي تشوتني و اشوتها

الهوا نسناس والنايد ينود
و العقارب مجحره ببيوتها

لا تروّع من طرابيش الجنود
و لا تروّعك العرب ببشوتها

رخصتي بمخباي لسلاح الحدود
و المعامل حافظين كروتها

سّم بسم الله لا تاطا الحيود
و نملة تدبي تدور قوتها

وصب لي فنجال لعيون العنود
بنت شيخ دينها ما يفوتها

لتباهن العذارى بالجدود
حالف لضم صوتي لصوتها

الديار ديارنا و سعدالسعود
حامي نجمه ظلام خبوتها

والبحور بحورنا عنها تذود
العيون الساهره في بوتها

ما علينا من بلا عين الحسود
ولا علينا من ردا مفلوتها

لشتبك دخانها برمي الفرود
لعنبوا نفس تحاتي موتها

يقبر المسلم عزيز في اللحود
و تقبر الكفار في تابوتها

قلتها لك يالخوي عقب الركود
وغنت القيفان عقب سكوتها

تلعب الأكه و انا لعبي صعود
طير الأكه مع بلوتها







منقول