سلامة سلطان

[رائد العالي]

[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]



أنا لك من رجالك يابلاد الخير واهـل الخيـر=وانا اللي ضمني حضنك وحبك مالك فـوادي
تحت ظل اليمين اللي تدير وتحسـن التدبيـر=تباهي وافخري في قايـد الامجـاد يابـلادي
يابو متعب حماك اللي حباك العـز والتقديـر=وحنى عن وطنا حد سيـف وطلقـة زنـادي
ولانا للوطن دايـم عهـد مايقبـل التغييـر=وانا اجدد مواثيقي واجـدد عهـد الاجـدادي
وانا اللي في ضميري مثل غيري بالغ التأثير=وعن طيب المنام ولذتـه يحدانـي الحـادي
أناظر عودة اللي يستنير به الوطـن ويجيـر=عضيد الحر نسل الحر من ميكار الامجـادي
يابو خالد غلاتك عند شعبك بالعروق تسيـر=ومرجاعك لنا طيب نعـده عيـد الاعيـادي
ياسلطان السخا ياسيـدي ياقاتـل التعسيـر=ونهر الجود ينبع من يـدك ويبـل الاكبـادي
وطيبك مضرب الأمثال غنى فيه حتى الطيـر=حكيم القول زين فعول حد السيـف للعـادي
كبير السن يدعي لك ويدعي لك غرير صغير=غريرً مات ابوه وصرت ابوه وعون وانجادي
هذا غير المعاق اللي دموعه بالجفون تحيـر=كسيته طال عمرك بالسرور ثيـابً جـدادي
ولا ننسى الرقاب اللي سعيت لعتقها يااميـر=عوضها نور بالدنيا ويوم العـرض يـزدادي
بغيت ازيـد واعـدد فعولـك ياذرانـا ميـر=فعولك مثل قطر الغيث مـا للقطـر عـدادي [/poem]