جديد بن فطيس

[ســ قطرـيف]

جديد ابن فطيس المري

يالله وانا طالبك تغفـر لـي ذنوبـي يـا غفـور

ارجيك والجا لك وانـا سالـك واعيـد المسألـه

لوما تطهرنـي بعفـوك مـا تطهرنـي البحـور



جيتـك وذنبـي قـد تعـلا غاربـي يـا مثقلـه

أنا من الطين انخلقت أخطـي ولانيـب معـذور


قامت علي الحجـه بدعـوة رسلـك المرسلـه

مؤمن بتوراتـك و إنجيلـك و مؤمـن بالزبـور


و بسنة محمـد وآيـات الكـتـاب المنـزلـه

لكن خدعت بزخـرف الدنيـا وزادتنـي غـرور


أبدت مفاتنهـا و ورتنـي مـن العمـر اجملـه

طبعاً بما إنـي بنـي آدم حصـل منـي قصـور


واذنبت يـا مـولاي ذنـب بالخفـا مـا تجهلـه

أسألك تغفر لي و تستر موقفـي يـوم النشـور


اليا القفت خلقـك صحايفهـا وهـي مستذهلـه

من يستلمها بالشمال افلس وهـو يدعـو ثبـور


ومن يستلمها باليميـن افلـح لخيـر المنزلـه

واسألك يا ربـي تعاونـي علـى نيـل الأجـور


أحيا حيـاة مكسبـي فيهـا مـن البـر افضلـه

واسألك جاهٍ مع هـل الدنيـا وحـظ مـا يبـور


أيضاً وعرفٍ مـع هـل الحكمـه ورزق تكفلـه

من لا تهيّا لـه مقـام مـع طويليـن الشبـور


يبكي على ما ضاع من عمره وخيبـات عملـه

وان شاب راسه لا ترجّى فيـه تجبيـر الكسـور


لا خير فـي تالـي زمـان مـا تغانمـت اوّلـه


ومانيب ناسي قصةٍ صـارت وانـا ازورالقبـور


لازلـت افكـر فـي غرابتهـا وبالـي تشغلـه

ساعة ظهر لي شايب له حول قرنيـن محجـور


في جوف قبر عن هـل الدنيـا طـواه ويعزلـه


سلم وجا صوبي يقول ابنشـدك يللـي تـزور


عن حالة الدنيا وعن وضع الزمان وعـن هلـه

أنا مضى وقتي ومرّت بـي طويـلات الدهـور


والباقـي بعمـري بعيشـه بينكـم واستكملـه


قلت الزمان اللي يبارينا علـى خبـرك يـدور


الوقت نفسـه مـا تغيّـر ماشـي فـي جدولـه

أما البشر لا والله لا غير من حد الجـذور


صار انتقال مـن يميـن الـى يسـار المنقلـه


استغرب الشايب من اللي قلـت وبليّـا شعـور


حط اليمين اعلىالشمال وخاطـره فيـه اسئلـه

قال افتني عن حالة الشيبان والشيـخ الوقـور


أهل الخبر والراي والحكمـه وضـرب الأمثلـه

القدوه اصحاب الأمور اللي تطـاع بكـل شـور


اللـي يفضـون النـزاع ويحكمـون المشكلـه


قلت البعض منهم على ما قلت في وصفك وقور


قدوه ولكن رايهـم مـا ينفـرض فـي مسألـه

الطاعه العميـا بقـا منهـا مجاملـة الحضـور


اللـي تلاقيهـا مـع اوّل فـرصـة متنصّـلـه

والبعض لا عبديخـاف الله ولا عبـد شكـور


لا زهـده شيبـه مـن الدنيـا ولا هـو جمّلـه

بهيمة يرجـع علـى منحـاه الاوّل ومحصـور


فـي لعـب بيلوتـه وريـح زقارتـه ومعسّلـه

والبعض الآخر شابت رموشه على درب الفجـور


ينقـل جـوازه للسفـر مـن مزبلـه لا مزبلـه

أشيمطٍ زانـي قضـا عمـره بحانـات الخمـور


والعايلـه ورع يغـرّر بـه وبـنـت مهمّـلـه