المزون المظلمه

[سلطان بن محسن]

[poem=font="simplified arabic,5,black,bold,normal" bkcolor="transparent" bkimage="backgrounds/19.gif" border="solid,4,gray" type=2 line=1 align=center use=ex num="0,black""]
راكب اللي حسها تسمعه من كل صوب=مثل زلزال الرعد فالمزون المظلمه
كنها يوم إستدارت وضاقن الدروب=فرخ شيهانن على الطلع ينهض مقدمه
تلها جورج الخواجه ونطحها الهبوب=وأعلنوا بطفاء السجاير وربط الأحزمه
من سلايل شايبن ماجلب غير الذنوب=والديانه عكس الإسلام ماهي مسلمه
مايعرف يقول هذي شمال وذي جنوب=الدليله بوصله والحروف مترجمه
واهني اللي على رحلته يلقى ركوب=إن رجع وإلا توفى عسى الله يرحمه
إن نوى في مشرق الأرض وإلا فالغروب=المهم ينفذ اللازم اللي يلزمه
فاقدن لي شيخ قومن عزيزن وإمحسوب=محزمن فالضيق ياسعد من هو محزمه
والجفاء من بين الأصحاب عيب من العيوب=والصداقه من بنى بيتها مايهدمه
والغلا والكره ماتسكن إلا فالقلوب=بس مابه قلب فيها الثنين مخيمه
والرجل لاصار بيتن مذرى وإمحجوب=إستوى عند النشامى وجوده وإعدمه
أتحمل مزح الأصحاب عذبين السلوب=وأتخير وآكل التمر وأطش إعجمه
وأعرف الكذبه ليا جات من فم الكذوب=لاقعد يرفع لسانه ويرخي برطمه
والطرب لامن جرفني مع اللحن الطروب=أنسف البيت المدمدم على اللي دمدمه
وأقفل الجوال عن راعي الغوج الهذوب=وأفصل التعميم عن بيجري وأعممه
زلة الطيب ماتجرح متينين الجنوب=عقب اللي زلتن من صحيبه تفحمه
آه ياضيدان والناس حارب وإمحروب=والأعادي كل واحد بحبره وإقلمه
[/poem]


للشـــــاعر الكبيـــــــر سلطــــان الهاجــــري