قصيدة ذعار بن مشاري بن ربيعان رحمه الله!!!

[النجم الأصيل]

لا ضاق صدري من همومن تولاه==وزاد العماس وقام صدري يفوحي
انا بلاي اللي على الرب مشكاه==اللي محرولني ولااحتلت اروحي
لولاولولا اللي على النار مركاه==ابصر بصبتها على كيف روحي
فنجالها يشدي خضاب الخونداه==الجادل اللي عند اهلها طموحي
لا أطق طقة محة البيض بخباه==لا قام هاجوس الضماير يجوحي
يامزين الفنجال خصص هل الجاه==راع الجمايل قبل قنن قموحي
صبه لمن هو تنثر الدم يمناه==يثني جواده عند راع اللدوحي
والثاني اللي ماتوني مطاياه==يضوي إليا صكت عليه النبوحي
وعده لمن عوص النجايب تنصاه==ريف لهن لا جاء الزمان اللحوحي
دب الدهر يضحك حجاجه لمن جاه==وقت المعاسر ماردن ما يزوحي
وباقي الرجال فحول نسوان ورعاه==ضباط مال وحافظين السروحي
وراع الردى محدن ليا مات ينعاه== لا صار محرومن جبانن شحوحي