قلي شسوي فيك لا صرت واطي؟؟؟

[مجنون عتيبه]

السلام عليكم،،،،

اخترت لكم قصيده للشاعر
ثامر شبيب

اتمنى انها تعجبكم


لاجيـت افكـــــر بالوجيـه المفاليـح
وفرقت بين الناس عالـي و واطـي

فكرّت بك ضمن الوجيه المشافيـح
متقلطـن ببسـاط ماهــــــو بساطـي

علاقتـي ويـاك تحتــــــــاج توضيـح
من شفت في بعض الامور اختلاطي

مثلك خطا يحتاج وقفـه وتصحيـح
بيّن مثـل تفريـق ماخــــذ وعاطـي

ربيت من صغري على هبة الريـح
ولبست لي ثوبن كمومـه اخياطـي

يوم انت تلعب في يديـن المراجيـح
انا انطح الضيفان وافرش سماطـي

ماعابني لاصرت ظمـن المجاريــح
اغلا جروحي بين الاظــلاع ساطـي

العيب لاسقت القـدم دون تصريــح
وخليتهـا بـدرب الردييـــــــــن تاطـي

والمشكله انك تحرث النار وتصيـح
اركد قبـل لافــــــــك عنـك رباطـي

خابرك ماتبعـد قريـــب المراويـح
زايد عـن العالـم بكثـــر الهياطـي

اكبر طموحـك لاتعطـرت بالريـــح
تطلع تمشى بين شاطـي وشاطـي

عندي سؤال وخابرن فيـه تجريـح
لكن ضـروري تسمعـه بأنبساطـي

ارفعك بيدي لسمـا ترجـع اتطيـح
قلي شسوي فيك لا صرت واطي؟؟؟؟