قصائد رائعة !!

[..النادر..]

هذه القصيدة لمحمد العوني قبل معركة روضة مهنا ببلدة الربيعية مرسلا القصيدة لحمود العبيد الرشيد وعبدالعزيز المتعب الرشيد

يانديبي فوق طوع الراس حايل
حرة هي منوة الطارش منا
خبر اللي ساكنن بقصور حايل
لا لفيت حمود رد العلم عنا
وقل لابومتعب الى جته الرسايل
كان تبغى الحرب جاك اللي تمنى
قل نذيرن مايبي منكم جمايل
الهرب ياتايهين الراي عنا
قبل يومن به يضيعن الدلايل
ذا كسير وذا طريح وذا يونا
اطلب اللي عادل ماهو بمايل
يهلك اللي باغين منكم ومنا

وابومتعب هو عبدالعزيز المتعب ابومحمد وقال ابومتعب لان ابوه متعب وقال محمد العوني ايضا بعد المعركة :

ساعتين يشيب اللي حضرها
يمة الجدي عن روضة مهنا
كن ربي على الدنياء حشرها
تالي الليل غاب البدر عنا
وارعدت وابرقت واسبل مطرها
يوم ثار الدخن منهم ومنا
اذبح ابن متعب باول شررها
راح ماكن بالدنياء تهنا
نقزوه العوارض من ظهرها
كان يرضيك منا ياوطنا
كله لعين من هلت عبرها
جادلن خضبت بالكف حنا

وقال محمد الصغير بعد المعركة مسندا القصيدة على حمود المبيريك وحمود من عائلة المرداسي :

احمد اللي عدل الكيف ياحمود
يسر لنا المعبود جزل العطايا
من نقع الروضة الى جال ابا الدود
راحت بها صبيان حايل ضحايا
ماتسمع الا ياولد عد بارود
ومصايح القصمان يا ابا الثرايا

المصدر من ادابنا الشعبية

منقول