78بيت بالاميرجابر من شعراءالخليج(فكرةالشاعروليدالعمودي)

[جراح العتيبي]

مشاعر الفطاحل..في الامير الراحل
إن الحمد لله استغفره واتوب إليه سبحانه لا اله الا هو الحي القيوم
لاول والاخر الباقي وهو على كل شئ ٍ قدير.
ان يوم الاحد الموافق 15 يناير من عام 2006,
كان بمثابة الفاجعه للكويت والكويتين والامه العربيه والاسلاميه.
ففي هذا اليوم كان رحيل المغفور له بإذن الله تعالى,
صاحب السمو امير المفدى الشيخ جابر الاحمد الجابر الصباح امير دولة الكويت,
امير القلوب الرجل العطوف القائد الاب,الذي ازدهرت سيرته بالحب والعطاء
وما كان مني ومن زملائي الشعراء الإ ان تفيض قرائحنا شعراً مخضبّاً بالالم والحزن
على رحيل هذا القائد العظيم,ولقد اجتهدت مع نخبةٍ من زملائي الشعراء من الكويت
ومن دول الخليج لنجمع احاسيسنا في مرثيةٍ واحده نعبّر من خلالها
عن فائق حزننا على رحيل الوالد البار.
متمنياً من المولى عز وجل ان يجعل مثواه الجنه خالداً فيها سبحانه وهو الغفور الرحيم

بقلم: وليــد العمودي

الحاكم اللي مرضي الله والناس
لامن رحل كلٍ يحس برحيله
عليه كلٍٍٍٍٍٍٍ هل دمعه من الراس
العايله والطايفه والقبيله

( وليد العمودي)

جابر غيابه اشعل الشيب بالراس
من غيبته كلٍ مضيّع دليله
الجفن من فرقاه ماغط بنعاس
والدمع من عيني تزايد هميله ( مبارك ابو ظهير )
مات وضربنا عقبه اخماس واسداس
مات الحصان ولا بقى الا صهيله
الله يصبرنا على الوقت لا انحاس
وصرنا ضحيه بين عدله وميله (مطلق النومسي)
حرمت لا هيبة مواطنك تنداس
في ديرة فيها تهاب الدخيله
رمز الوفا موطن رهيفين الاحساس
جمال الحمول الجايرات الثقيله (بدر بن ثعلي)
نبض القلوب الداميه حس الاجراس
والشعر مثل الخيل هذا صهيله
حنا نقشنا الحرف في خد كراس
ذكرى رحيل الشيخ رد لجميله (خلف الخطيمي)
حزنه غشى دسمان والبدع والراس
والسالمي والاحمدي والعقيله
والشعب يدعي له والارياق يباس
جعل العوض باللي حكمنا بديله (عقيل المنيس الشمري)
مراجله ماتنحصي وسط كراس
كل العلوم النادره تنتميله
فوق النقا والجود والدرع والطاس
اضفى على الشعب الكويتي جميله ( تركي الديحاني )
مثل الشجر كنا وكان الخبر فاس
ودموعنا كانت سوات الحصيله
في غيبته ضاقت بنا كل الاوناس
ولاظن نلقى للــــســعاده وسيله ( جراح العليان )
قلبي على فقد الشغاميم حسّاس
وشلون لاصار المفارِق خليله
أكيد فيه أحزان وآلام وعْماس
وأكيد يسكنْه الوجع من طويله ( فهد بن عبدان )
لو ينتثر دمعي من العين لا باس
لاصار ما في مواجه الموت حيله
يا جابر الديره طوى شعبك الياس
مظلم طريقه والخطاوي ثقيله ( فالح الهاجري )
لو ينتمي هالطيب لاسداس واخماس
الطيب كله يابشر ينتمي له
جابر ومثله ما يوفيه كراس
يميل شعب ولاتجي فيه ميله ( حمود جلوي )

صارت قلوب امة فتافيت قرطاس
دوامة الاحزان هبت تشيله
خيم عليها الفقد واليتم والباس
واغتالها فقد الزعامات غيلة ( قهر يزيد )
في غيبته ثارت أحاسيس وأنفاس
فيني ولدّ الـ هم ينشي سبيله
يرحمه ربي رحمةٍمالها قياس
عِد الـ وبل وعـْداد برقٍ نخيله (وعد العبدالله)
الموت فاسٍ وان هوى الفاس بالراس
باح الحزن جماعي بكل عيله
غلاه .. مره بس شهقته بالانفاس
وحلفت مايـُـزفر غلا ذيب جيله ( عقاب الربع)
وانا رثيته شعر وشعور واحساس
النادر اللي صعب نلقى مثيله
للمرجله معنى وللحق نبراس
عدل وضمير وطيب قلب..وفضيله (نمش الشمري)
كل المشاعر والعواطف والاحساس
تنعاك يارمز الشيوخ الجليله
دعمت ساس الدار ياطيب الساس
للجيل هذا والــذي بعد جيله ( صلاح مناور الشمري)
يوم الاحد جيــتّــــك هي رمح جساس
والشعب ظهر كليب وانهد حيله
غزيتنا واخذت من يرفع الراس
والجرح ينزف والاماني قتيله ( ثاني الدهمشي)
يالله شفنا الحزن طاغي وحماّس
وغصبٍ على خشم المراجل نجي له
وش حيلة الدمعه اذ الحزن قرناس
يضرب وحنا بالالم ننحني له ( عبد الله النافع )
ياشيخ شفتك ذيب بالرجم نبراس
يعوي ونسمع بالبوادي عويله
وياشيخ شفتك في سنا المجد جلاّس
لازال مجدك..والملا ترتقي له ( فيصل سعود العنزي)
وأصير أنا من بعد فرقاه محتاس
عزي لمن مثلي أنا عزتـي لـه
لا يهتني نومي ولا يهتني اجلاس
يا كيف أنا بنسى يديـنٍ طويلـه (خالد بن مساعد الرشيد)
شيخٍ حكيم وماخذ الحق له ساس
بالعدل عدلّ كل نفسٍ عليله
للجود والاحسان ماحط مقياس
والطيب من طيبه بعد ينتخيله ( جراح مناحي )

اليوم ذا شعبك هنا رافع الراس
هو يفتخر بك وبحقك قليله
قد صار حبك نبض فقلوب هالناس
يا نبض عايش للدروب الطويله (محمد آل مبارك)
ياناس مافيكم احد مثلنا حاس
حتى قصر دسمان من يشتكي له
الشعب صابه حزن قاسي وهوجاس
كلٍ صرخ ذا شيخنا فدوتي له ( سلطان النواف )
ياشيخ حبك وسطنا ماله قياس
ياللي بفعلك مرتكي للثقيله
ماغبت يالزحزيح ياطيّب الساس
زولك ترى موجود محدٍ يزيله ( حربي الضفيري )
البرق لا لاح بسما كل خناس
و ( الــنـو ) لا سولف نزاهة زميله
مرقدك امن..ياعسى معك حراس
ملائكة رحمه معك مستقيله ( سعود فرحان )
مات الامير وجال بالراس وسواس
من يشبهه بالناس منهو مثيله
كن المراجل بالعرب جالها افلاس
مات الفقيد اللي يساوي قبيله ( محمد البغيلي )
ياقو صبره يوم الارياق يباس
هاك السنه يوم الخطوب الجليله
يوم المشاكل تصطلي فوقها داس
ابلى وحقق حاجةٍ مستحيله ( موسم بن سفر القثامي )
للعز والوقفات والفعل نوماس
يوم الملاقى والصعب يرتكيله
بنك الغناة ولاظهر منه افلاس
مدته للمحتاج ماهي قليله ( مبارك الفعم )
الموت؛ كاس وكلنا؛ شارب الكاس
ولا لنا غير التصبّر . . وسيلة
وفراق شيخ الناس صعبٍ على الناس
يرخص عزيز دموعنا في رحيله (فيصل الشريف)
قلبه كبير وشامل الشعب باحساس
متفردن باوصاف من دون جيله
وصفه ذهب ..يمكن بعد اكثر ألماس
يا حاكمٍ كل العرب تعتني لــه (حامد المطيري)
زعيم شعب ورأي وقلوب وإحساس
وفي حب شعبه ماش حاكم مثيله
يارب تجعل له إقامه ومجلاس
في جنة الابرار واهل الفضيله (ناصر تراحيب)

مواقفه تشهد لها كل الأجناس
شيخٍ حكيم..ودوم عقله دليله
فيه الوفاء والطيب والدين نبراس
رجل المواقف والفعول الجزيله ( فهد المجلاد)
ماارتاح بال ولااهتنت عين بنعاس
بعد رحيله والمصيبه ثقيله
مكتوبٍ اسمه من ذهب واغلى الالماس
بقلوبنا فاقصى الضماير نشيله (ضيف الله حمدان الدلبحي)
في مدت الخيرات ماهو بمحتاس
اقسم يمينه لاحشا ماتعيله
جابر بعمق الخير ياناس غطاس
ماهو سوالف الف ليله وليله ( عمر اللهيميد )
هذا كلام ٍ من ضميري بقرطاس
واللي بقلبي ماطلع عزتيله
الله يبيحه كان تاج ٍ على الراس
مالي على رد المقادير حيله ( محمد بن فارس )
اعلامنا في غيبتك صارت انكاس
والروس من بعدك تراها هزيله
تعبت ادوّر مثل قلبك بالاجناس
بين القلوب الطاهره والنبيله ( صلاح مطرف البقان )
من غيبتك والقلب يا امير والقلب محتاس
ياللي كسبت الطيّبه والنفيله
كلٍ بعد سوء الحدث يضرس اضراس
يابو المكارم والوفا والنفيله ( عايض مبارك )
يفداك وانته بالقبر كل بلاس
واهل النمايم والدروب الضليله
ويفداك كل طاغي وظالم وهماس
ياللي دموع الناس لاجلك هميله ( طلال فحمان )
مهما زرعنا القاف او نغرس اغراس
تبقى غصون اشعارنا به ذبيله
ذكراه يقبس داخل الروح مقباس
مولــعٍ بين الضلوع النحيله ( طارق بن زياد )


المقصد من عدد الابيات 78 هي :
انه حكم في سنة 78 وتوفى رحمه الله عن عمرٍ يناهز 78