سحر العيوون...!!!

[فهد بن عايض]

السلام عليكم ورحمة الله وبركاته

يسعد جميع اوقاتكم بكل خير

هذي قصيده من جديدي

واتمنى ان تنال الرضى للجميع


[poem=font="simplified arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عانيت في الدنيا وشفت البهاذيل = صبرت لين الله بعونه فرجها
طبيت في سوق" جمع ندر الخيل = ولا همني من قال صعب" سرجها
وشد انتباهي مهرة" هدت الحيل = كل المناهج نابعه من نهجها
جتني تخطى بمشيها يلعب الذيل = إلها قصر قلبي وصدري درجها
حلم تحقق من بعد صرخة الويل = ياعزتي للهرجه اللي هرجها
سويت له كشف موثق بتحليل = لاجل سواد العين مدري غنجها
قالت وش اللي فيَ من بدت الجيل = قلت السهوم اليوم قلبي خرجها
سحر العيون وعذبها موية النيل = مالوم عيني يوم تاخذ سهجها
نظرة دلع وهدابها لي مظاليل = تجرح عيون" ناظره لك ولجها
قالت هلابك واشرب البن بالهيل = ونته تراك اول وتالي بهجها
وانا جنان الحب معرف غرابيل = ومشاعر العشاق محد" فلجها
ضمة وفا وخلاص ولاجله سهر ليل = ذابت عروقي من قلوب " مزجها
طرقه طويله ياعساها تساهيل = من عقب ماعدل زماني عوجها
واللحين مرتاح" واجر المواويل = عقب الصبر هانت وربي فرجها[/poem]
وسلامتكم