قصيدة معتاد بن عايد بن فهيد الغبيوي

[إبن ثعلي]

قصيدة معتاد بن عايد بن فهيد الغبوي من اهالي المحاني

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارح امسى خاطري فيه جوهاش=يجهش عليه الهم مثل الغيومي
ذكرت من لونه سوات ابيض الشاش=اللي حليه في العباد امعدومي
عهدي بهم شدوا تحت حرب الاطلاش=يوم العساكر حاضره للهجومي
عني تقافوبه ولايعاد يناش=قفابه اللي مايعرف اللزومي
لعل من شدبك ياظبي الاوحاش=عساه تبنى لي عليه الرجومي
وعساه عند اللي تنوش تنواش=مضمونة تغدي عضامه لهومي
تجيه بين اللي يروون الاعطاش=يوم الملاقا واعتقاب السهومي
خلي طريح في المظامي والاوغاش=في لمة العدوان وديار قومي
ويا راكب اللي ماعلى كورها لاش=تسرح وتمسي دارحان الرقومي
وقله تراني بين مدفع ورشاش= وطيارة يم الخضيراء تحومي
ولاعاد انا واياه يكود ابا انحاش=واليوم ما ينحاش كود الرخومي
واهني من نومه على زل وفراش=وانا عيوني يسهرن النجومي
تسهر نجوم الليل ليا وقت الاغباش=والعين تسهر والاوادم تنومي
ومن لامني فيهم عسى ماله ادباش= وعساه من كل الحلال امحرومي
جعله فقير ويتكبب على ماش= ويصبح بعد ماله فقير ويحومي
ياعنق ريم راتع عشب الاوراش=ياجب عليه عقبك اني لصومي
وده كواني والمخاليق تعتاش=كية مريض طايح مايقومي
حالي غدا عقبه كماحال قراش=والصبر فيه مابقاله رسومي
وصلاة ربي عد ماهل رشراش=علي النبي اللي مشى بالسلومي[/poem]