واجر قلبي جر جرن على جر

[طلال بن مساعد]

اعزائي ادارة ومشرفي واعضاء وزوار منتديات قبيله عتيبه
اسعد الله جميع اوقاتكم بكل خير
اتمنى ان تنال هذه الابيات على رضاكم واستحسانكم

[poem=font="simplified arabic,5,black,normal,normal" bkcolor="transparent" bkimage="backgrounds/41.gif" border="inset,4,gray" type=0 line=0 align=center use=ex num="0,black""]
واجر قلبي جر جرن على جر = جر المدخن يوم جر الزقاره
يجرها ويكنها ويتضجر = حدمان يكويها ويلعن نهاره
من همن بقلبه تقل ضرب خنجر = مركيه وقته بين دين وطفاره
ووافاه شيخن زود دينه تحجر = عطاه علمه ثم بان انكساره
قال المطوع مالك الا تفجر = نفسك وزان اكبر بنايه عماره
ثم لغمه بحزام ناسف وسنجر = والمشكله عمه رقيب الخفاره
يوم استلامه والخفير متوجر = جاب المطمه عند باب الوزاره
العم سالم لكن انه منجر = والا البناخي راح وقت انفجاره
على وليفن شاقني بالتعجر = لاقبلتله واقبل يجيه انعجاره
يمشي سلم وانا برجلي مهجر = منعاق خاطر والخساره خساره
غرون معرب جد ماهو مخجر = ربو بدوين مايعرف الحضاره
ملبوسه دواحي ولابه تغجر = ورثه عن امه ما ارتداه استعاره
لاهو خضر مره وكنه مشجر = زاهيه ملبوسه وزينه وقاره
عليه قلبي يالنشاما تبجر = ومن دونه الموت الحمر والقشاره
حالو بني عمه وقالو محجر = رح يالعقيلي لاتمس الغتاره
اخوكم / طلال بن مساعد العقيلي المطيري =[/poem]