هديه لكم
[frame="1 80"]ذات القــوام الفــارع المـمـشـوق ذبـاح القـلـوب
تمـايـلـت قــدام عـيــنـي قـلـت : ياديـن النبي !!
فيهـا دلـع بـنـت الـشـمـال وكـبـريا بنت الجنوب
ماقـول كـلـي هـام فـيهــا .. لـلأمــانـه أغـلـبـــي
هـذيـك لامـنهـا مشـت بـاست خطاويها الدروب
وتـقـول تحـت أقـدامهـا (فـديـت ماطاك أرحبي)
قـمت أتهجى حسنها اللامنـتـهي من كـل صـوب
كـنـي طفـل قـام يـتـهجـى تـرجمـة فـيـلـم أجنبي
مـرت تـقـل كـنهـا تـقـود الغـيــم وفـلول الهبوب
وإليـا تـقـفـتـها الهـبـوب بظـهـرهـا قـمـت أحـبي
تلـعـثـمـت فـيـني المشـاعـر آتـثـيـقــل ثــم أذوب
عجـزت أعـبــر بالـلـسان وقـمـت أعـبـر بركبي
كنها تعذب من يناظرها وهـو يصرخ : أتوووب
لا بـارك الله فـي الـلـثـامـات الجـديــدة والـعـبـي
بنـت أغـنـيـا مصبوب فيهـا العز والهيبه صبـوب
متـغـطـرسـه تـاخـذ قـبـل لا يسـئـلـوها وش تبـي
تـمـشـي وتمـلاها الثـقـة في نفـسـها ماهي لعـوب
عـزي لحـال إللـي يقـول : أقـدر لهـا .. لأنه غبي
والله لو صب البحــر الأحمـر لها في وسط كوب
مـن بعــد مـا حــلاه ثــم ســواه شـاهـي مغــربـي
مـاطـال منهـا مـايطفـي جـمر فـي جـوفه شبـوب
عـــزاه لـه يمـشـي وراها حـالـه بحــال الصـبــي
(برج العرب) لو شاف ماشفته بها وقت الغـروب
بيقـول : ودونـي (الخبـر) والله ما أقعد في (دبي)[/frame]
محمد عويضه
| 
|
02-18-2006, 10:06 AM
والله مااقعد في دبي
المواضيع المتشابهه
العرض الشجري