المقفين

[المستحيله]

[poem=font="simplified arabic,5,black,bold,normal" bkcolor="transparent" bkimage="backgrounds/5.gif" border="none,4,gray" type=0 line=0 align=center use=ex num="0,black""]
انا وش لي على طاري هموم العالم المقفين=ورا ماقول ياقلبي تريّح وخْز ياشيطان
علامك ياعيوني ماتخلين السهر تكفين=ترا مايتعب الا انتي وانا ياعيوني الخسران
انا ياكثر ماعانيت وين الفايده ياعين=زماني مادرا عني وحالي راح في نقصان
ولافيني بقا صبرٍ على ظلم الزمان الشين=كفا يانفس توبي واعرضي عن خوة الحرمان
نسانيس الفرح هبت تقول اللي يبيني وين=وانا والله لها مشتاق والخاطر لها ولهان
الا يادمعةٍ هلّت من الماضي على الخدين=عزاك ان السعاده مالها وقتٍ ولا ازمان
مع الدنيا تقلّب مرةٍ فيها اليسر واللين=ومراتٍ تجي علقم تهد الحيل والوجدان
ونا توي عرفت ان الغشيم الجاهل المسكين=هو اللي بيتعداه الفرح ويصاحب الاحزان
الا ياساعةٍ فيها الفرج يامرحبا واهلين=هلا ياضحكةٍ كانت تلوّى من ورى القضبان
نويت اخذ من ايام الهنا دامت تجي وتزين=واذا راحت فلا بيصيرلي اكثر من اللي كان[/poem]


من قصائد/سعيد بن مقبل الأكلبي