قوت القلوب إسمن ...

[قوت القلوب]

[poem=font="simplified arabic,5,indigo,bold,normal" bkcolor="transparent" bkimage="backgrounds/13.gif" border="none,4,gray" type=2 line=0 align=center use=ex num="0,black""]
نفس الكلام اللي نقوله ونحكيه=ياهيه خلك من كلامن تقوله
ماعاد يعنينا ملام ومشاريه=والشعر مانخفي غلاه وميوله
للشعر سطر وللبنآدم أمانيه=مازوده شعره ولاهورجوله
إما طلب ربه على الخير يهديه=دارت عليه إذنوب عمره عجوله
وإلا انابنتن لها إسمن وتخفيه=تطرق على روض القصيد وتجوله
تعلن كفائتها من إسنين ياهيه=إلها على ماقيل صوله وجوله
تشجعت وأخذت من الشعرحاليه=قوت القلوب إسمن لها صفقوله
ماحزها في خاطرالقلب تحكيه=ماهي على قول الحقايق خجوله
الشعر ماهو بس هرجن ونحكيه=نفرح بكتبه يوم نطلق خيوله
الشعر ديوان العرب يامعاديه=نفرح بمن لجله تعنوا وجوله
والشعر أنا صوته ووزنه وطاريه=واللي بيعارضني عليه إفزعوله
والله لغيضه لين يصبح محاميه=يدفع على طاري قصيدي عموله[/poem]