غزليـه للشاعر شقير الجذع

[روقي قرم]

[mark=#ffe5e5]السلام عليكم ورحمة الله وبركاته


اترك بين ايديكم غزليـه للشاعر الكبير شقير الجذع[/mark][poem=font="simplified arabic,5,black,bold,normal" bkcolor="transparent" bkimage="" border="solid,4,black" type=1 line=0 align=center use=ex num="0,black""]
وجودي على حيـن سنحنـاه ماجينـاه=اشوف المباني مير انا خطوتـي عجلـه
وجودي على شوفة لطيف الحشا وجـداه=وجود الكسير اللي مشى الكسر مع رجله
اليا جاينام اكسور عظمه بـدت تشظـاه=يجـر الونيـن وونتـه ماتفـرج لــه
على صاحبن لو قلت ابنساه كيف انساه=قضى العمر في حبه وانا صابرن لجلـه
عشيرن جرحني فالهوا جرح من يرفـاه=ابزين الوصوف وزينه اللي غطا نجلـه
على حجر عينن كنه البرق من منشـاه=على ساقية ندرا مـن الوسـم مندجلـه
بردها على روس النواجذ يقسـم مـاه=مطرها حقاق وسيل ماها هـذا عجلـه
تقض الحزوم وكـل وادن سـرا بمـلاه=يزلزل بها الرعاد والمـزن يفلـج لـه
طويل المعنق ضامر البطـن والمثنـاه=ليا شافهـا راع المحبـه طمـع بجلـه
يجر الونين وموته اللـي موجـل جـاه=يكون الله اللي كون الكـون يفـرج لـه
وانا اقول ياويل المهـاوي منـه ويـلاه=ونا منه ويلي لو هرج لي ونا اهرج لـه
ولا ياحلي اللي لو حـوا حـدن جـلاه=تقود الاوايـل والغزيـل تعـروج لـه
تقود الجوازي مع وطا الحزم مع مقراه=وترب القفور اللي غطت نبتها العجلـه
والا ياعيون امقرنسن عاليـن مجنـاه=تنهض بعد شاف الحباري تـدارج لـه
توايق على جون خـلا طايلـن مرعـاه=ليا الخرب وادي والحباري تهـادج لـه
ولا ياباالجلابيب انا منـك فـي ماسـاه=احبك وروحي مـن سبايبـك منسجلـه
ترفق بحال اللي بليبـك وشـف بلـواه=وقلـه يجـي ولا نسـج القـدم وجلـه
ترى للوصل لمولعيـن الغـرام اهـواه=وكثر الجفا للحب يقضي علـى سجلـه
يبو لمبتن كنـه شعـاع القمـر حليـاه=ويبو كفن ابيض من بياضه زها حجلـه [/poem]

دمتم بخير