النظــــره الخجولـــــه

[سلطان بن محسن]

[poem=font="simplified arabic,5,black,bold,normal" bkcolor="transparent" bkimage="backgrounds/5.gif" border="solid,4,gray" type=2 line=1 align=center use=ex num="0,black""]
ماسألتوا صاحب النظره الخجوله=كيف يسهرني وله وجهن صبوح
كيف يظلمني وله طهر الطفوله=كيف يسكني وهو دايم يروح
وكيف أنا ألقى ربيعه في فصوله=دام كذبه صادق وصدقه مزوح
له صفاتن تورد العاشق ذهوله=مستكين وصامت وكله جموح
أصعب الأشياء وأكثرها سهوله=أغمض الأشياء وأكثرها وضوح
سهل تغرم به وصعب إنك تنوله=غامض إفطبعه وواضح فالجروح
أسعد بشوفه ولكن ماأطوله=كني الوادي وهو أعلى السفوح
يبتسم لامنهم عني حكوا له=ولا حكوا لي عنه أعماقي تنوح
لي بقلبه شي لكن مايقوله=وله بقلبي شي لكني أبوح
كنه الغيمه وأنا أرجي هطوله=مانزل غيثه ولابرقه يلوح
ماعرفتوا ليه تسهرني فعوله=وليه يسكني وهو دايم يروح
هو يبيني بس أطباعه خجوله=ومايبي أغفى وهو وجهه صبوح[/poem]

سمو الأمير عبدالرحمن بن مساعد00