البرق اشوفه على العارض سرا ليله؟؟

[مدله الضميان]

[poem=font="simplified arabic,6,deeppink,normal,normal" bkcolor="transparent" bkimage="" border="none,6,deeppink" type=1 line=0 align=center use=ex num="0,black""]
يابارق الحب لاتبـرق مـن القبلـه=البرق اشوفه على العارض سرا ليله
من غيبت الشمس لين الفجر نرقب له=من تحت برقه ارقاب المزن واخيلـه
العين والقلـب يمـه طايـراً شبلـه=يالله عسى الخير ياتي من مخاييلـه
الاذن عن غير رعـاده بـلا طبلـه=ماتسمع الا رعود الغيث تصغي لـه
يشعا الهواجيس لين القلب يطرب له=وهاجوس شعري تغني لـه مواويلـه
كل المشاعر على البراق تعجب لـه=تشوف برقه وتامل خير فـي سيلـه
لو ابتعد بارقه تطغـى وتقـرب لـه=وورود نبته طمعهـا فـي مداهيلـه
ولاكل نواً يغيث الضلـع والعبلـه!!!=كـم نـو مزنـاً قليلاتـاً محاصيلـه
[/poem]