الضيقه .....

[رشة قلم]

السلام عليكم ..

الضيقه اللي فجت الصدر بالحال ..
ماهي غريبه كان ماجات ضيقه ..

لا والله ألا شيدة هم وأجبال ..
وارست قواعدها وخطت وثيقه ..

ودام الشعر ماحركه ساكن البال ..
لاخير في شعر الجديد وعتيقه ..

أما يجي همال ويروح همال ...
مزن ن يصب وتنتفع به خليقه ...

والا يغادر مسكنن صاحبه ضال ..
لا أقضى حوايجها ولا بل ريقه ..

يامهجعي ؟ياللي لك القلب لومال ...
غيرك يدور حازم (ن ) للحريقه ..

ياضلع ؟ وش باقي من العمر لوطال ..
للحضن حضنه .وللمسافه طريقه ..

ماعاد ادور للرحى حب وأحمال ...
ولاعاد للمرسول طعم (ن) وذيقه ..

تبكي عليه أطلال .ويعيش بأضلال ..
حلم (ن) يراوده ومساعي حقيقه ..

ولاجيت أباحكي قصة كان تمثال ..
مثله مثل ود وسواع ورفيقه ...

رجل (ن) ولكن من غلوا فيه جهال ...
صالح وعلم الدين لمعة بريقه ...

لاعتمت صفحاتها وأقفيا الفال ...
صعبه تداوي اجروحهن العميقه ...

وش عذرهن لاضيقوا صدر هتال ..
مروي القلوب ومستهم ابرحيقه ..

الضيق له صدري سكن وأحكم أقفال ..
والسيف سيفه والخناجر طويقه ..

والضيقه اللي فجت الصدر بالحال ..
ماهي غريبه كان ماجات ضيقه ...

بقلمي : رشة قلم