قصيده في ام الدوم

[فهدالذيابي]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في راس برق الذيب عديت واشرفت=بيـن الجبـال الشامخـات المنيـفـه
مال الضلال ومعـه بالعيـن هيفـت=وغنيت من زيـن المعانـي طريفـه
يادار وصفك غيـر لوكـان وصفـت=الوصف دوب يجيب فيـك النصيفـه
يحدك الـوادي شمالـه ليـا اوهفـت=كنـك تعلـق بيـن سهـل وحتيفـه
ووادي السليم اللي على حاجبه طفـت=ووادي ضري خلاك مثـل الشضيفـه
وضلع اللحي اللي على قمتـه نفـت=غربيّـك اطلالـه وردك رصيـفـه
ومن شرق وادالدوم ومن اسمه اعرفت=يلعبـه الشرقـي وتسمـع وحيـفـه
كنـك علـى نهريـن يـادار وقفـت=خـل الجريـر وخـل وادي حنيفـه
اخذت من كشب المسمـى ورادفـت=انتـه ربيعـه فالـبـلاد ومصيـفـه
تاخذ من الطايـف هـواه وتلطفـت=ومن نجد تاخذ مـن ليالـي خريفـه
بين الحجـاز ونجـد يـادار ولفـت=ومن بينهن مالـك شبيـه ووصيفـه
ياناشـدن عنهـا عسـى ماتكلـفـت=دوك الثقـال وخـل عنـك الخفيفـه
ماغيرهـا يسكـن فـوادي ولاشفـت=بيـن الديـار المغدقـات المريـفـه
لوغبت عنها وقت لربوعهـا انكفـت=مسمعبهـا والعيـن فيـهـا كفيـفـه
ديرة شرف ورجـال فيهـا تشرفـت=اهل الوفـا واهـل النفـوس العفيفـه
اهل الكرم وان كان ياضيف هدفـت=اطرف ذيابي ماشكى الجـوع ضيفـه
الاّد ذايـب عـزوتـي ماتزهـفـت=مثل السيـوف الصاطيـات الرهيفـه
في مدحهم لوزدة فالمـدح واسرفـت=ماوفيت في حـق الرجـال النصيفـه[/poem]








فهد بن مثيب الذيابي