الحمد للي يا أبيض الوجه نجاك

[المعتبر]

بسم الله الرحمن الرحيم

السلام عليكم ورحمة الله وبركاته

يشرفني أن أزف لكم هذه القصيده بمناسبة سلامة سيدي مساعد وزير الداخليه صاحب السمو الملكي الأمير / محمد بن نايف بن عبدالعزيز حفظه الله ورعاه آملا أن تنال إعجابكم :
[poem=font="simplified arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""]
[poem=font="simplified arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""]
[poem=font="simplified arabic,5,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black""]

[poem=font="simplified arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black""]
[size="5"]الحمد للي يا أبيض الوجه نجاك = الله من صدوف الليالي يعافيك
اللي حمى بيته من الفيل يحماك = يا من حفظت الأمن وأرضيت واليك
سبحان من قومك سالم وعافاك = من غبة التفجير وأهلك معاديك
الشعب يا محمد بالأرواح يفداك = يا النادر اللي نايفات مجانيك
ياالمخلص اللي صافيات نواياك = حتى لمن عاداك طابت مساعيك
فتحت له قلبك ومديت يمناك = لكن خان وصار بالبوق ناويك
مير الأمور بحكم خلاق الأفلاك = دايم على الباغي تدور الدواليك
فجر وراح ألفين قطعة ولاجاك = طلعت سالم والغنايم تباريك
عين الولي ترعاك والغبن لعداك = حفظك معبود بلطفه يراعيك
لعل ما صابك يكفر خطاياك = يا مورد العدوان حوض التهاليك
والله ماتندم ليا أرضيت مولاك = الله ليا أرضيته يعزك ويرضيك
ويا مفجر ضحى بك المكر وأغواك = ما أفلحت من فعلك ولا الله بهاديك
خسرت يا مسكين دينك ودنياك = والموت لو تدري بعد ويش قافيك
سخط المهيمن والعذاب ايتحراك = الله على مكرك وغدرك يجازيك
والا أنت يا فرز الوغى لا فقدناك = مهما شكرنا ما قدرنا نوفيك
يا الصارم اللي ما تعدد مزاياك = خلك كذا دايم بعاد هقاويك
لكن لا تأمن ملغمة الأسلاك = اللي تحاول تستغلك و تذيك
اخذ الحذر من كيدهم لاعدمناك = أي والله انا نفتخر بك ونغليك
يا من يشرفنا مجالك وطرياك = احم الحمى والله من الكيد يحميك
يا سيدي لعل الأنذال تفداك = الله من صدوف الليالي ينجيك[/poem][/size[/poem]][/poem][/poem]



حشر بن جهجاه العتيبي