كذبة مواعيدك

[سلطان بن محسن]

[poem=font="simplified arabic,4,black,bold,normal" bkcolor="transparent" bkimage="backgrounds/43.gif" border="double,4,gray" type=2 line=1 align=center use=ex num="0,black""]
كلن على شمعة قناديله سرى=وأنا على كذبة مواعيدك سريت
ياصاحبي واليآس دونك قد طرى=يومني اللي في غيابك ماطريت
يومن صدك طال ثم طار الكرى=ماعاد تفرق مت والا لك حييت
اليوم مثل أمسي ولايفرق ترى=لو كان مر الحول فيني مادريت
في غيبتك يومي مع الأمس إقطرى=وبكره يجي ويصير مثل اللي هقيت
أسهر وأهوجس بك وأتمتم في حرى=وإليا صدقت أكذب وأقول إني سليت
العام توعدني في هالعيد إخشرى=واليوم عيد ولابعد عندي ظويت
عرفت بإنك جرحي اللي مابرى= والله لأشيب ياحياتي مابريت
علقتني بك بس قلبك ماشرى=مدري ربحت ولاعرفت اللي جنيت
أحرمتني عينن قبل شوفك ترى=لو مرني غيرك ملاكن مارأيت
والعاذل اللي كل ماجاني زرى=ماعاد يشمت في جروحي لو عنيت
الله يسامح من تعنى وإحترى=والله يسامح زلتك يومك نسيت[/poem]