بنـــــــــــت الحموله

[فهد بن فهم]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بنت ناس ومن حمولــه بـس مسكينه مريضــه"="ماتطيــب ولا تشافى ليـن تسعى بالنمامـــه

إبتلاهـا ابليس الأعور واشهد إن ماهي حظيظه"="ياقشـر حــظ البنادم لاتمــادى في حرامــه

تحسبن موج البحر لو تشربــه تقـدر تغيضـه"="ماتعــرف إن الخروج مـن البحـر خير وسلامه

علموها لا تمنـى لـو يبيـض الديـك بيضــه"="ماتحقـق ماتريـده مادخـل ساســي رخـامــه

لاوربــي جـل شانـه خالـقٍ ســن الفريضـــه"="ما تحوّل عن طريق اهل الوفاء واهل الشهامه

لو طوانـي جوع الأمـه مـا تمنيـت الخضيضـه"="دامهـا بيديـن حـيٍ مايقدّمهـــا كـرامـــه

ولو تكاثر مـا تمـده مـا سوى عندي قريضـه"="الله اللـي عـز نفسـي عن عطاهـا وإنقسامه

لاتحــرى من فهـد بكـره يـدز إلهـا عريضـه"="إيتأسـف وإيتحسـف مرخـيٍ رأســـه نـدامــه

الفهـد شـد الرحايل وإنتحـى غيّر مقيضـــه"="راح يبحـث عـن مقيـضٍ فيـه عزه وإحتـرامـه

وش يهمـه لو بديتي ساحـره حلـوه غضيضـــه"="دام عشقـك للخطــايــا للإسـف طيّر حمامــه

طاوعينـي جنبـي سيـلٍ تحـدّر من مفيضـــــه"="إن وقفتـي في مسيلـه قلت يـا كثر الغشامه

إنتهـت يابنت روحـي عندك الدنيا العريضه"="ابحثي تلقين فيها من يحبون النمـامـه[/poem]