وش شعورك

[سلطان بن محسن]

[poem=font="simplified arabic,5,black,bold,normal" bkcolor="transparent" bkimage="backgrounds/43.gif" border="solid,4,burlywood" type=2 line=1 align=center use=ex num="0,black""]
جاي تسألني عقب قلبك سئم=ودك تشوف بغيابك وش رأيت
ودي أسكت بس تدري ببتسم=وأقهر الدمعه وأقول إني نسيت
ياحبيبي مات صبري والأهم=إني بدونك بقايا وإنتهيت
ماوفى صبري ولا فاد الندم=كل ماسرتني الذكرى بكيت
صارت أيامي محطه للألم=وماتت البسمه وكم مره شكيت
الحياه أحيان يشبها العدم=وش حياتي دام عني مادريت
جرحي اللي من فراقك ماسلم=زاد نزفه وأنت ماعمرك عنيت
وأنا عاشق من شعور ومن لحم=كيف تبغاني أجامل لاجفيت
لك كتبت الحرف والمعنى أهم=ودي إنك تفهمه لو ماحكيت
وش شعورك يوم قلبك ينظلم=ولك حبيبن عقب هجره ماسليت
وحلم عمرك قدم عينك ينهدم=لا نسيت ولا سليت ولا خذيت
وبعد مافزت بحياتك تنهزم=تكتب جروحك قصيده بيت بيت
لا شعرت إبما سبق قبل إتحكم=وقتها تعرف وش أقسى مارأيت[/poem]