بسم الله الرحمن الرحيم
شيله لـ الشاعر عبد الله معيض الرياحي
بعنوان: يانايف.
نصيحه من الشاعر لأخوة على ماتجرع من امرار الدنيا ومتاعبها..
مدخل../
يانايف الوقت و الايام غدارة..
واخوك ذوقته الدنيا مرايرها..!
[rplayer]http://www.albdoo.info/uploader/uploader2009/17429/11236993768.ram[/rplayer]
يانايف الوقت و الايام غدارة
واخوك ذوقته الدنيا مرايرها
هذا زمان لاعب فينا بتياره
والناس باعت وغشت في ضمايرها
ظروف وقت الدهر تلعب بمشواره
وتبين اوجاع مخفيها واسايرها
وليا جمعنا هموم القلب واسراره
يضيق وسع الفضا وتحزم صرايرها
يانايف القلب عندي جفت انهاره
والعين من همها زادت عبايرها
ميلات هذا الزمن ياخوك دواره
دنيا رديه تعبنا من دوايرها
ارجيك رجوى غريب (ن) ضيع دياره
نفسه طغى همها والحزن زايرها
وارجيك رجوى اسير الحرب والغاره
قضيته جايره والوقت جايرها
ياخوي اخذها نصيحه تاره وتاره
لايدخلك وقتك الغادر جحايرها
الدين حافظ عليه وكثر اذكاره
واحذر ترى ابليس بيدينه يغيرها
وطع والدينك ترى الجنة لها بشاره
ياحظ عينك ليا لاحت بشايرها
والضيف لامن حضر قدم له وقاره
لا لايهمك ولو تكثر خسايرها
والجار عطه الحقوق اللي على جاره
والبندق اللي تهوزك لا تعايرها
واترك رفيق الردى لو كثروا اشواره
يرميك في حفرت (ن) شبت ذخايرها
والخبل لا تسمعه لو زانت اخباره
يركض برهجه قفى يعمي بصايرها
خذ ايمن الدرب لاتمشي مع يساره
والعمر فرصه تجود في ظهايرها
جتك الوصية من اللي هاضت اشعاره
اخوك لا شبت الدنيا سعايرها
حزام جنبك ليا شب الدهر ناره
وانته حزامه ليا كثرت كسايرها
مخرج../
يانايف القلب عندي جفت انهاره
والعين من همها زادت عبايرها..!
| 
|
08-19-2009, 04:36 PM
العرض الشجري