اعذارنا تمسح وجيه المشاريه

[فيصل المسعودي]

[glow=FFFFFF]ســــــعــــــود الــــــدهــــــيــــــمــــــي[/glow]





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
رحنا من الدمـام غصـبٍ علينـا=
ولاّغلا الدمـام فـي قلـب مغليـه
غلاه ماجا لاجـل ساحـل ومينـا=
غلاه والله من غـلا واحـدٍ فيـه
اللي معه باحـلا الغـرام ابتدينـا=
مبدٍ على عـز وطهـاره وتنزيـه
صفت لنا غبر السنيـن وهوينـا=
وكلٍ شرب من منبع الحب صافيـه
وذقنا ملـذات الهـوى واهتنينـا=
قلبـه يدارينـي وقلبـي يداريـه
وخذنا على حسب الوصول وعطينا=
يرجي مقابيل الليالي وانا ارجيـه
خانـوا محرّفـة الغـرام ووفينـا=
وقمناعلى قصر الهوى الذرب نبنيه
لين ارتفع جدره ووسطـه ربينـا=
الطهر فرشـه والكرامـه تفييـه
ولاقد على فرش الدناعـه وطينـا=
كلٍ على فرش الطهـاره مواطيـه
نثني المـزوح الطاهـره لاغوينـا=
ماهوب مزحٍ بالخفـا فيـه مافيـه
واليا زعلنا مـن بعضنـا رضينـا=
اعذارنا تمسح وجيـه المشاريـه
واليـا تباطينـا بعضنـا عنيـنـا=
كلٍ يبا يسبـق حبيبـه ويرضيـه
ودارت علينـا الدايـره مادرينـا=
الاّ وكـلٍ لـه طريـقٍ بيعطـيـه
قمنـا وحاولنـا ورحنـا وجيـنـا=
لين انقطع حبل الرجا من عراويه
واليوم من عقب الـوداد انتهينـا=
وهذا الزمن لاشان ماحـدٍ يقاويـه
لـو البكـا ينفـع بعضنـا بكينـا=
وكلٍ قعد يشكـي للاخـر مشاكيـه
لاكـن تمنعنـا الشيـم لانويـنـا=
وكم عاشقٍ زيد انحرم من مناويـه
وعقب اقتنعنا بالظروف وقضينـا=
كـلٍ دعـى للاخـر الله يهنـيـه
وكـان الهنـا مايقبـل الاّحدينـا=
جعله هنيٍ في حياته وانـا افديـه
هذا جزاء اللي يـوم رحنـا يبينـا=
مير الزمان احتدني عنـه لاجيـه [/poem]