كبرت

[سلطان بن محسن]

[poem=font="simplified arabic,5,white,normal,normal" bkcolor="transparent" bkimage="backgrounds/21.gif" border="double,4,gray" type=2 line=1 align=center use=ex num="0,black""]
ياهيه أنا لي فالشعر عشرة مواعيد وعمر=لي فالشعر صوتن علا لكن خفضت أواخره
تشبع إحساسي وهج مدري شبع حس وفكر=لين إنثنى عن لوم ناسن بالتجارب ساخره
الشعر صوتن ماظهر إلا معه نايف صقر=وعيال علوش وعلي بن حمري ومشاعره
ومحمد إبن الذيب وإبن فطيس من دوحة قطر=وضيدان إبن قضعان وإبن جخير ماني عاذره
وأبو محمد ياسر اللي دق ناقوس الخطر=وأشعل حماس اللي يدور للتحدي قاطره
وناصر ولد قحطان شاعر لندلس راع الفكر=وحامد ولد زيد وسعد جدلان قدني خابره
ومانع إبن شلحاط وعقاب الربع شاعر نصر=وبن مانعه وحمدان إبن مكتوم كلن ذاخره
وبندر بن محياء وإبن ساقان شاعر وإنشهر=وأبو محمد خالد وبالجيش شعره عامره
وأنا بعد شاعر ولي فالشعر كرسي ياعمر=عيني على صنف البيوت الغاليات الزاخره
أشوش في ربعي عتيبه هم هل سيوف وفخر=أهل القنى وأهل النباء لاضاق صدر العابره
عن مدحهم ماتاقف أبياتي وأنا شاعر بحر=أغوص في عمق البحور الموت والا النادره
لكن لو تكتب بهم من قل والا من كثر=ماتقنع التاريخ لو شعرك حفر بالذاكره
من لايوجب لابته ماله جذور ولابذر=هذا دروبه عن طريق العز دايم حادره
وأنا موجب لابتي وأكتب بهم صبح وعصر=وأصد عنهم كل لوم وكل حمله غادره
مافيه من ذنبن كبر إلا مع إحساني ظهر=ولافيه طيبن قد ذخرته عند قومن ذاخره
حياتي فيها من غزا من شد فيها من إسر=فيها بيوتن تنبني من طين وأخرى فاخره
فيها رفيقن لي سلى مدري سلو عنه البشر=كم لي وأنا أطري جيته وأثر الدروب مسافره
فيها من الصدق إن زعل ياكذب وينك والعذر=يابنت خلي هرجك المضمون دامك آسره
الزين غسل يدين مايبقى على طول الدهر=وإلا المشاعر فأي وقت وبأي وقت معاصره
شوفيني اللي مانسى حبك ولاعاف السهر=بالعكس لامنه سهر طرفي قمرك يناظره
أخذت من قل البخت كثر التوجد والصبر=وأخذت من وقتن مضى خبره ومثلك خابره
حفظت لعلوم البدو من عادني توي بزر=كبرت وأثريت الورق بأشعاري المتناثره
كبرت يومني كبرت الله وأكبر يالصغر=ياليتني توي طفل لو السنين مناحره
لقيت نفسي في بحر حاولت وانقذني بحر=وأخاف الامواج إن هدت يمكن تجيني غادره
عمر الشقي لو مابقى ماشفت من يآس وقهر=لكن يبقى للصبر هيبة إرجالن صابره[/poem]