اثر التعب في بعض الاحيان راحه؟

[مدله الضميان]

[poem=font="simplified arabic,6,deeppink,normal,normal" bkcolor="transparent" bkimage="" border="none,6,deeppink" type=1 line=0 align=center use=ex num="0,black""]
انـا تعبـت وقلـت مانـي بمرتـاح=اثر التعب في بعض الاحيـان راحـه
مزيج نبض القلـب بحـزان وافـراح=وضاقت على نبض الفـؤاد المساحـه
كتمّت مدن مابين ظلمـاء ومصبـاح=وضجه وصجه في مسـاه وصباحـه
انـا هـوايـه كــل مابـارقـاً لاح=ثم قام يلمـع بـاول المـزن ضاحـه
وصار الطخاف بمقدم المـزن طفـاح=مثـل النذيـر اللـي تقلـد وشاحـه
ينذر بوبـل المـزن قـدام الاصبـاح=قـدام سيلـه يندلـج مـع مسـاحـه
من حرة الحرة الـى عبلـة ارمـاح=قفـاه سيـلاً مـن تنـحـاه زاحــه
سيلاً لبـاب الخيـر مبـداء ومفتـاح=بعده شهـر والنبـت عجـة ارياحـه
فيه الزهرفي فيضة الـروض فـواح=يبـري ضميـراً زايدتـاً اجـراحـه
ثم سقت له وضحاً تلافت لمن صـاح=فيهـن دجـر للـي يطـول صياحـه
رثم الخشوم اغلا المكاسب والاربـاح=من يمتلكهـن يفتخـر فـي نجاحـه
وخضّرت الريضان والبـال منسـاح=وطيـر الاناسـه ماتكسـر جناحـه
والى صدف لك غايتك ضبي الابراح=يكفيك عن بعض المطامـع امزاحـه
هاذي طراة العمـر والعمـر منـزاح=ياللـي تبـون العربجـه والسياحـه
[/poem]